சென்னை விமான நிலையம் அழைத்து வரப்பட்டார் நீதிபதி கர்ணன்!

Share on Whatsapp

கோவையில் கைது செய்யப்பட்ட நீதிபதி கர்ணன் சென்னை விமான நிலையத்திற்கு அழைத்து வரப்பட்டார். உச்சநீதிமன்றத் தலைமை நீதிபதிகளால், 'நீதிமன்ற அவமதிப்பு' வழக்கில் தண்டனை பெற்று தலைமறைவாக இருந்தார் நீதிபதி கர்ணன். உச்சநீதிமன்ற நீதிபதிகளுக்கே தண்டனை விதித்த கர்ணன் மீது அடுக்கடுக்கான வழக்குகள் பதிவு செய்யப்பட்டு, ஆறு மாத சிறைத்தண்டனை விதிக்கப்பட்டது. இதையொட்டி, உயர்நீதிமன்ற நீதிபதியாக இருந்த கர்ணன், தன் பதவிக்காலத்திலேயே தலைமறைவானார். சுமார் ஒரு மாத காலத்துக்கும் மேலாக தலைமறைவாக வாழ்ந்து வந்தார் கர்ணன். இந்நிலையில், அவர் இன்று கோவையில் கைது செய்யப்பட்டார்.




நீதிபதி கர்ணனை கைது செய்த கொல்கத்தா காவல்துறையினர், அவரை விமானம் மூலம் சென்னைக்கு அழைத்து வந்துள்ளனர். இன்று இரவு முழுவதும் சென்னை விமான நிலையத்தில் உள்ள ஓய்வறையில் தங்க வைக்கப்படுகிறார் கர்ணன். காலை 11.40 மணிக்கு சென்னையில் இருந்து, அவரை கொல்கத்தாவிற்கு அழைத்து செல்ல ஏற்பாடுகள் நடந்து வருகிறது.