வங்கிகளிடம் வாங்கிய சுமார் 9,000 கோடி ரூபாய் கடனை திருப்பிச் செலுத்தாத நிலையில், கிங்ஃபிஷர் நிறுவனத்தின் உரிமையாளர் விஜய் மல்லையா இங்கிலாந்துக்கு தப்பியோடினார். அவருக்கு பலமுறை பிடிவாரன்ட் பிறப்பித்தும் அவர் இன்னமும் கைது செய்யப்படவில்லை.
விஜய் மல்லையாவை நாடு கடத்தவதற்கான நடைமுறைகள் லண்டன் நீதிமன்றத்தில் நடைபெற்று வருகிறது. இந்த வழக்கிற்காக கடந்த மாதம் கைது செய்யப்பட்ட விஜய் மல்லையா உடனடியாக ஜாமீனில் விடுதலையானார்.
இந்த நிலையில், ஞாயிறன்று எட்ஜ்பாஸ்டன் மைதானத்தில் நடைபெற்ற இந்தியா-பாகிஸ்தான் கிரிக்கெட் போட்டியை அவர் பார்த்தார். அவருடைய வருகை, சர்வதேசஅளவில் ஊடகங்களில் செய்தியாக வெளியாகின.
இந்தியாவில் மோசடி தப்பிச் சென்ற ஒருவர் லண்டனில் சொகுசாக வாழ்வதற்கு கண்டனங்களும், கலாய்க்கும் மீம்ஸ்களும் சமூக வலைதளங்களில் வலம் வந்தன. இந்நிலையில் லண்டன் நகரில் இந்திய கிரிக்கெட் அணியின் கேப்டன் விராட்கோஹ்லி, அவருடைய தொண்டு நிறுவனம் சார்பில் விழா ஒன்றுக்கு ஏற்பாடு செய்திருந்தார்.
கோஹ்லியின் விழாவில் இந்திய அணியின் வீரர்கள் அனைவரும் கலந்து கொண்டனர். அந்த விழாவிற்கு விஜய்மல்லையாவும் காரில் வருகை தந்திருந்தார். சமூக வலைதளத்தில் வெளியாகியுள்ள இந்த வீடியோவை ஏராளமானோர் பார்த்து வருகின்றனர். ஐபிஎல் தொடரில், கோஹ்லி ஆடும் ஆர்சிபி கிரிக்கெட் அணியின் உரிமையாளர் மல்லையா என்பது குறிப்பிடத்தக்கது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.