மற்ற மாநிலங்களை விட, தமிழகத்தில் தேர்தலின் போது வாக்காளர்களுக்கு பணம் கொடுத்து, ஓட்டுகளை வாங்குவது அதிகம் என்ற எண்ணம் இந்தியா முழுக்க வந்துவிட்டது.
சென்னை, ஆர்.கே.நகர் சட்டசபை இடைத் தேர்தலிலும் இதே நிலைதான் நீடிக்கும் என்ற கருத்து தலைமை தேர்தல் ஆணைய அதிகாரிகளுக்கே இருப்பதாக கூறப்படுகிறது.
புகார்கள்
அந்த குற்றச்சாட்டுக்கு வலு சேர்க்கும் வகையில் பல்வேறு அரசியல் கட்சிகளும், ஆளும் கட்சி பணப்பட்டுவாடா செய்வதாக தலைமை தேர்தல் ஆணையத்தில் புகார்களை அளித்து வருகிறார்கள். இதனால் ஆளும் தரப்பு மீது கடும் நெருக்கடிகளை காட்டி வருகிறது தேர்தல் ஆணையம்.
தேர்தல் ஒத்திவைப்பு
குற்றச்சாட்டுகள் அதிகரித்தபடியே இருந்தால், ஆர்.கே.நகர் தேர்தலை ஒத்தி வைத்துவிடும் வாய்ப்பு உள்ளதாக கூறப்படுகிறது. இதை டிடிவி தினகரன் தரப்பு விரும்பவில்லை.
முதல்வராக திட்டம்
டிடிவி தினகரன் மீதான வழக்கு விசாரணை வேகம் பெற்றுநாள்தோறும் விசாரணை என்ற அளவுக்கு சென்றுள்ளதால், தீர்ப்பும், விரைவில் வர அதிக வாய்ப்பு உள்ளது. இந்த தீர்ப்புக்கு முன், எப்படியாவது தான் எம்.எல்.ஏவாகி, முதல்வராகிவிட வேண்டும் என்று தினகரன் கருதுவதாக கூறப்படுகிறது.
இந்நிலையில் ஆர்.கே.நகர் தேர்தலையொட்டி தேர்தல் கமிஷன் கடுமையான நடவடிக்கைகளை எடுத்து வருகிறது. சென்னை போலீஸ் கமிஷனர் மாற்றம், சில உயர் அதிகாரிகளை காத்திருப்பில் வைத்தது, தினகரனுக்கு விளக்கம் கேட்டு நோட்டீஸ் என அதிரடி நடவடிக்கைகள் எடுக்கப்பட்டன.
ஏற்கனவே வரலாறு
இந்நிலையில் ஆர்.கே.நகர் தேர்தல் ரத்தாகலாம் என்ற யூகங்கள் கிளம்பின. கடந்த சட்டசபை தேர்தலின்போது அரவக்குறிச்சி, தஞ்சை ஆகிய தொகுதிகளில், பணப் பட்டுவாடா காரணமாக தேர்தல் ரத்து செய்யப்பட்டது. பணப்பட்டுவாடாவுக்காக தேர்தல் ரத்து செய்யப்பட்டது என்ற அவப்பெயரை தமிழகம் பெற்றது.
தம்பிதுரை கெஞ்சல்
இந்நிலையில், நேற்று லோக்சபா துணை சபாநாயகர் தம்பிதுரை, டெல்லியில் உள்ள தலைமை தேர்தல் கமிஷனுக்கு சென்று தேர்தல் கமிஷனர்களை சந்தித்து, ஆர்.கே.நகரில் பணப்பட்டுவாடா செய்யப்படுவதாக வரும் புகார்கள் ஆதாரமற்றவை. இதை நம்ப வேண்டாம் என கேட்டுக்கொண்டதாக கூறப்படுகிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.