குடி குடியை கெடுக்கும் குடிப்பழக்கம் உடல் நலத்தை கெடுக்கும் என்ற வாசகம் மதுப்பிரியர்களுக்கும் தெரியும். இருப்பினும் மது அருந்துபவர்களின் எண்ணிக்கை நாளுக்கு நாள் அதிகரித்து வருவது பெரும் வேதனைக்குரியது. இதனால் பள்ளி, கல்லூரி மாணவ, மாணவியர்களுக்கு மதுவால் ஏற்படும் தீமைகள் குறித்து விழிப்புணர்வு ஏற்படுத்தப்பட்டு வருகிறது.
இதனிடையே தேசிய மற்றும் மாநில நெடுஞ்சாலைகளில் உள்ள மதுக்கடைகள் உடனடியாக மூடவேண்டும் என சுப்ரீ்ம் கோர்ட் சமீபத்தில் உத்தரவிட்டது. இதனையடுத்து மூடப்பட்ட கடைகளுக்கு பதிலாக மக்கள் அதிகம் வசிக்கும் பகுதிகளில் மாநில அரசு புதிய மதுக்கடைகளை திறந்து வருகிறது.
இதையடுத்து மதுக்கடைகள் அமைப்பதற்கு எதிர்ப்புத் தெரிவித்து ஆங்காங்கே மக்கள் போராட்டத்தில் ஈடுபட்டு வருகின்றனர். பொது மக்களின் தொடர் போராட்டாத்தால் புதிய மதுக்கடைகளை திறக்க முடியாமல் மாநில அரசு திணறி வருகிறது. இதனால் அரசுக்கு பெருமளவு வருவாய் இழப்பும் ஏற்பட்டுள்ளது.
இந்நிலையில் காஞ்சிபுரம் மாவட்டம் கேளம்பாக்கத்தை அடுத்த படூரில் உள்ள மதுக்கடையை மூடக்கோரி, கடந்த சில நாட்களுக்கு முன்னர் பொதுமக்கள் போராட்டம் நடத்தி, கடையையும் சூறையாடினர். அந்தக் கடையை மீண்டும் திறக்கக் கூடாது என வலியுறுத்தி, அதே ஊரைச் சேர்ந்த ஆகாஷ் என்ற 7 வயது பள்ளிச்சிறுவன் 'குடியை விடு, படிக்க விடு' என்ற பதாகையைக் கையில் ஏந்தியபடி சுமார் ஒரு கிலோமீட்டர் தொலைவில் இருந்த அரசு டாஸ்மாக் கடை முன்பு அமர்ந்து போராட்டம் நடத்துவதற்காக நடந்தே சென்றான்.
பள்ளிச் சீருடை அணிந்து, மதுவுக்கு எதிராக எழுதப்பட்ட பதாகையுடன் சென்ற அந்தச் சிறுவனை, சாலையில் சென்ற அனைவரும் வியப்புடன் பார்த்தபடி கடந்து சென்றனர். மதுக்கடை அருகே சென்ற சிறுவனிடம் அங்கு வந்த போலீசார் பேச்சுவார்த்தை நடத்தினர். பின்னர் டாஸ்மாக் கடை மூயிடிருப்பதைக் காட்டி சிறுவனை போலீசார் சமாதானம் செய்தனர். இதை அடுத்து சிறுவன் ஆகாஷ் திரும்பிச் சென்றான்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.