இதை தொடர்ந்து தீபா பேரவையை சேர்ந்த நிர்வாகிகள், ஆர்.கே. நகர் தொகுதி முழுவதும் வீடு வீடாக சென்று, வாக்குசேகரித்து வருகின்றனர்.
இதற்கிடையில், நேற்று இரவு தீபா, மெரினா கடற்கரையில் உள்ள ஜெயலலிதாவின், நினைவிடத்துக்கு சென்றார். இதனால், பெரும் பரபரப்பு ஏற்பட்டது. அப்போது, செய்தியாளர்களை சந்தித்த தீபா, தன்னை சிலர் மறைமுகமாக மிரட்டுவதாக தெரிவித்தார்.
இந்நிலையில், இன்று அதிமுக செய்தி தொடர்பாள வைகை செல்வன், செய்தியாளர்களை சந்தித்தார்.
அப்போது, அவர் கூறியதாவது:-
ஜெயலலிதாவின் அண்ணன் மகள் தீபா, அரசியலுக்கு வருகிறார். இது எங்களுக்கு சந்தோஷம். அவரை வரவேற்கிறோம். ஆனால் அதிமுகவினர் மீது வீண் பழியை சுமத்தி வருவது தொடர்கதையாக கொண்டுள்ளார். இதுபோன்று அவர் பொய் பேசுவதை நிறுத்தி கொள்ள வேண்டும்.
ஜெயலலிதா, தனது உறவினர்கள் யாரையும் அரசியலுக்கு அழைக்க வில்லை. சேர்க்கவில்லை. அப்படி செய்வதாக இருந்தால், தீபாவை எப்போதோ அழைத்து வந்திருப்பார். ஆனால், சசிகலாவை கடந்த 30 ஆண்டுகளாக உடன் வைத்திருந்து, அரசியல் குறித்து கற்று கொடுத்துள்ளார். அவரும் அறிந்து இருக்கிறார்.
சில நாட்கள் பிரிந்து இருந்த சசிகலாவை மீண்டும், கட்சியில் இணைத்து கொண்டதும் ஜெயலலிதாதான். இது அதிமுகவினர் அனைவருக்கும் நன்றாக தெரியும். அப்படி இருக்கும்போது, மீண்டும் மீண்டும் தன்னை யாரோ மிரட்டுவதாக பொய் சொல்லிவரும் தீபா என்ன ஆதாயம் தேடுகிறார் என தெரியவில்லை.
அதேபோல் நடிகர் கமல், தனியார் டிவிக்கு பேட்டி அளித்தபோது, அரசியலில் மாற்றம் வேண்டும், விரைவில் தேர்தல் நடத்த வேண்டும் என கூறினார். அவருக்கு சினிமா மட்டும் தொழில் அதை மட்டும் பார்த்தால், போதும்.
சினிமாவுக்கு கனவும், கற்பனையும் தேவை. அந்த கனவையும், கற்பனையையும் சினிமாவில் மட்டும் கமல் செலுத்த வேண்டும். தேவையில்லாமல், அரசியலில் செலுத்துவது சரியானது அல்ல.இவ்வாறு அவர் கூறினார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.