தூத்துக்குடியில் நேற்று செய்தி யாளர்களுக்கு அவர் அளித்த பேட்டி:
நாடு முழுவதும் 40 இடங் களில் எண்ணெய் வளம் கண்ட றியப்பட்டு, அவற்றில் இருந்து எண்ணெய் மற்றும் இயற்கை எரிவாயு எடுக்க திட்டமிடப்பட் டுள்ளது. தற்போது தரைப் பகுதி யில் 28 இடங்களிலும், கடல் பகுதியில் 16 இடங்களிலும் ஆய் வுப் பணிகள் நடந்து வருகின்றன. தமிழ்நாட்டில் மட்டும் தான் இந்த திட்டத்துக்கு எதிராக போராட்டம் நடக்கிறது. இதற்காக போராடும் அனைவரும் நாட்டு நலனுக்காக, மக்களுக்காக போராடுபவர்கள் அல்ல. இவர்களின் பின்னணி குறித்து மத்திய அரசு விசாரிக்க வேண்டும்.
நெடுவாசலில் குறைந்த அளவு நிலத்தை கையகப்படுத்தி நவீன தொழில்நுட்பம் மூலம் திட்டத்தை செயல்படுத்த நடவடிக்கை எடுக்க வேண்டும். இதனால் விவசாய நிலங்களுக்கு பாதிப்பு ஏற்பட அனுமதிக்கக் கூடாது. அதே நேரத்தில் திட்டமே வேண்டாம் என்பதையும் ஏற்க முடியாது.
சேதுசமுத்திர திட்டம்
ராமர் பாலத்தை பாதிக்காமல் சேதுசமுத்திரத் திட்டத்தை செயல் படுத்துவதற்கான பணிகள் நடந்து வருகின்றன.
தாமிரபரணி ஆற்றில் இருந்து வெளிநாட்டு குளிர்பான நிறுவனங்கள் தண்ணீர் எடுக்க அனுமதிக்கப்பட்டு இருப்பது கண்டனத்துக்குரியது. பொதுமக் களை பாதிக்கும் இத்திட்டத்தை அனுமதிக்கக் கூடாது.
தமிழகத்தில் தற்போதைய அதிமுக அரசுக்கு மக்கள் மத்தியில் ஆதரவு இல்லை. எம்எல்ஏக்கள் தொகுதி மக்களின் மனநிலையை புரிந்து கொண்டால் அரசு வேறு மாதிரியாக இருந்திருக்கும். நாடாளுமன்ற நிகழ்வுகளை நேரடியாக ஒளிபரப்புவது போல், சட்டப்பேரவை நிகழ்வுகளையும் நேரடியாக ஒளிபரப்ப வேண்டும் என்று அவர் தெரிவித்தார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.