ஜல்லிக்கட்டுக்கு நிரந்தர சட்டம் இயற்ற வலியுறுத்தி தஞ்சையில் இளைஞர்கள் போராட்டத்தில் ஈடுபட்டுள்ளனர். இதனால் இன்று நடைபெற இருந்த ஜல்லிக்கட்டுப் போட்டிகள் ஒத்தி வைக்கப்படுவதாக மாவட்ட ஆட்சியர் அண்ணாதுரை அறிவித்துள்ளார்.
ஜல்லிக்கட்டுப் பிரச்சனைக்கு நிரந்த தீர்வு காண வலியுறுத்தியும், ஆண்டுதோறும் ஜல்லிக்கட்டுப் போட்டிகளை நடத்த நிரந்தர சட்டம் இயற்றக் கோரியும் தமிழகம் முழுவதும் போராட்டங்கள் நடைபெற்று வருகின்றன. இந்தப் போராட்டங்கள் தற்போது மாநிலம் முழுவதும் பூதாகரமாகியுள்ளது.
மதுரை, திண்டுக்கல் உள்ளிட்ட பல்வேறு மாவட்டங்களில் ஜல்லிக்கட்டுப் போட்டிகளை நடத்த மக்கள் எதிர்ப்பு தெரிவித்து வருகின்றனர். நிரந்தர சட்டம் இயற்றும் வரை போராட்டத்தை கைவிடப் போவதில்லை என்றும் அவர்கள் தெரிவித்துள்ளனர்.
அவசரச்சட்டம் தேவையில்லை நிரந்தரச் சட்டம் தான் தேவை என்றும் போராட்டத்தில் ஈடுபட்டுள்ளவர்கள் முழக்கமிட்டுள்ளனர். தொடரும் போராட்டத்தால் பல இடங்களில் ஜல்லிக்கட்டுப் போட்டிகளை மாவட்ட நிர்வாகம் நிறுத்தியுள்ளது.
இந்நிலையில் தஞ்சை மானோஜிப்பட்டியில் தொடரும் போராட்டம் காரணமாக அங்கு நடைபெற இருந்த ஜல்லிக்கட்டை மாவட்ட நிர்வாகம் ஒத்தி வைத்துள்ளது. ஜல்லிக்கட்டு நடைபெறும் தேதி பின்னர் அறிவிக்கப்படும் என மாவட்ட ஆட்சியர் அண்ணாதுரை தெரிவத்துள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.