காதலை போற்றிய, காதலை வாழ்க்கை நெறியாக ஏற்றுக்கொண்ட சமூகம் நம் தமிழ் சமூகம். ஆனால் அதுவெல்லாம் சங்க காலத்தோடு சரி. இப்போது அதற்கு நேரெதிரான சூழலில் நாம் வாழ்ந்து கொண்டிருக்கிறோம். கல்வி அறிவு பெற்றுவிட்டோம், நாகரீகமடைந்து விட்டோம் என நாம் பெருமையாகச் சொல்லிக்கொண்டாலும், சாதி சார்ந்த மனோபாவத்தில் இன்னும் நாம் மேம்பட்டதாய் தெரியவில்லை. சாதி மாறி காதலித்தால்... அதுவும் தாழ்த்தப்பட்ட சாதியைச் சேர்ந்த ஆணை காதலித்தால், அந்த பெண்ணை கொலை செய்து விடுவது என்பதே நமக்கான கவுரவமாய் இருக்கிறது. அந்த வரிசையில் இன்னுமொரு ஆணவக்கொலை நாமக்கல் மாவட்டத்தில் அரங்கேறி உள்ளது.
'சாதி மாறி திருமணம் செய்யவில்லை. தாழ்த்தப்பட்ட சாதியைச் சேர்ந்த ஒருவருடன் பழகினார். சுய சாதியைச் சேர்ந்த உறவினரை திருமணம் செய்ய மறுத்தார் என்பதால் 16 வயதே ஆன பள்ளி மாணவியை அடித்து கொலை செய்திருக்கிறார்கள் அவரது தந்தையும், உடன்பிறந்த அண்ணனும்.
சுபாஷ் சந்துரு தொட்டியம் அங்குள்ள பொறியியல் கல்லூரியில் படித்து வருகிறார். ஐஸ்வர்யா தனியார் பள்ளியில் 11ம் வகுப்பும், அபிநயா 10ம் வகுப்பும் படித்து வந்தார்கள். ஐஸ்வர்யா அதே கிராமத்தைச் சேர்ந்த வேறு சாதியைச் சேர்ந்த வாலிபர் ஒருவருடன் பழகி வந்துள்ளார். இதையடுத்து திருச்சியில் உள்ள பள்ளியில் சேர்க்கப்பட்டார் ஐஸ்வர்யா. அப்போதும் அவர்களுக்கிடையே பழக்கம் தொடர்ந்ததாக தெரிகிறது.
இதையடுத்து ஐஸ்வர்யாவுக்கு திருமணம் செய்ய அவரது குடும்பத்தினர் முடிவு செய்தனர். அதன்படி ஐஸ்வர்யாவின் அத்தை மகனான தங்கராஜ் என்பவருக்கு ஐஸ்வர்யாவை திருமணம் செய்ய முடிவெடுத்துள்ளனர். இதற்கு ஐஸ்வர்யா மறுப்பு தெரிவித்துள்ளார். வலுக்கட்டாயமாக திருமணம் செய்ய முயற்சித்ததால், ஐஸ்வர்யா இது தொடர்பாக சைல்டு லைன் அமைப்பில் புகார் தெரிவித்தார்.
ஐஸ்வர்யாவின் அண்ணன் சுபாஷ் சந்துரு, ஐஸ்வர்யாவின் சுடிதார் துப்பட்டாவை எடுத்து ஐஸ்வர்யாவின் கழுத்தில் சுற்றி முறுக்கி இழுக்க பரிதாபமாக சம்பவ இடத்திலேயே உயிரிழந்தார் ஐஸ்வர்யா. அன்று இரவே உறவினர்கள் சேர்ந்து ஐஸ்வர்யாவின் உடலை எரித்து விட்டார்கள்.
பெண் யாரை திருமணம் செய்ய வேண்டும், எப்படி பேச வேண்டும், எப்படி நடந்து கொள்ள வேண்டும் என்பதையெல்லாம் குடும்பமும் சமூகமுமே முடிவு செய்கிறது. மீறினால் அந்த பெண் உயிரோடு இருக்க முடியாது என்பதைத் தான் இது போன்ற சம்பவங்கள் மூலம் தொடர்ச்சியாக சொல்லிக்கொண்டு வருகிறது நம் சமூகம்.
எதை நோக்கி பயணிக்கிறோம் நாம்?
- வீ.கே.ரமேஷ்
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.