ராம மோகன ராவ் மகன் விவேக்கிடம் விடியவிடிய விசாரணை

Share on Whatsapp

முன்னாள் தலைமை செயலாளர் ராம மோகன ராவ் மகன் விவேக் ேநற்று மாலை வருமான வரித்துறை அலுவலகத்தில் ஆஜரானார். மணல் குவாரி உரிமையாளர் சேகர் ரெட்டியிடம் நடத்திய  விசாரணையை தொடர்ந்து கடந்த 22 மற்றும் 23ம் தேதிகளில் வருமான வரித்துறையினர் முன்னாள் தமிழக தலைமை செயலாளர் ராம மோகன ராவ் மற்றும் அவரது மகன் விவேக் ஆகியோர் வீடுகள் மற்றும் தலைமை செயலகத்தில் உள்ள அலுவலகத்தில் சோதனை நடத்தினர். இந்த சோதனையில் பணம், தங்க நகைகள் மற்றும் முக்கிய ஆவணங்களை பறிமுதல் செய்தனர். அதைதொடர்ந்து வருமான வரித்துறையினர் கடந்த 24ம் தேதி ராம மோகன ராவ் மற்றும் அவரது மகன் விவேக் ஆகியோருக்கு சோதனையில் கைப்பற்றப்பட்ட ஆவணங்கள், பணம் மற்றும் தங்க நகைகள் குறித்து நேரில் வந்து உரிய விளக்கம் அளிக்க வேண்டும் என்று சம்மன் அனுப்பி இருந்தனர்.

ஆனால் ராம மோகன ராவ் நெஞ்சு வலி என்று தனியார் மருத்துவமனையில் சிகிச்சை  பெற்று பின்னர் வீடு திரும்பினார். இதற்கிடையே 6 நாட்களுக்கு பிறகு ராம மோகன ராவ் மகன் விவேக் நுங்கம்பாக்கத்தில் உள்ள வருமான வரித்துறை அலுவலகத்திற்கு ேநற்று மாலை 3.50 மணிக்கு வந்து அதிகாரிகள் முன்பு ஆஜரானார். அவரிடம் வருமான வரித்துறை அதிகாரிகள் மாலை 4 மணி முதல் வீடு மற்றும் அலுவலகத்தில் கைப்பற்றப்பட்ட ஆவணங்கள் குறித்தும் பணம் மற்றும் தங்க நகைகள் குறித்தும் விசாரணை நடத்தி வருகின்றனர். மேலும், கைப்பற்றப்பட்ட ஆவணங்களில் உள்ள சொத்துகள் குறித்தும் அவற்றை வாங்கியது குறித்தும் துருவித்துருவி விசாரணை நடத்தினர். இந்த  விசாரணை விடியவிடிய தொடர்ந்தது.