எதிர்ப்பு:
கறுப்பு பணத்தை வெளிக்கொண்டு வரவும், கள்ள நோட்டுக்களை ஒழிக்கவும் ரூ. 500 மற்றும் ரூ.1000 நோட்டுக்கள் வாபஸ் பெறப்பட்டது. இதற்கு நிதிஷ் தவிர மற்ற எதிர்க்கட்சியினர் கடும் எதிர்ப்பு தெரிவித்து வருகின்றனர். பார்லிமென்டிலும் இது எதிரொலித்தது. நேற்று மம்தா தலைமையில் சென்ற எதிர்க்கட்சி தலைவர்கள் ஜனாதிபதியை சந்தித்து முறையிட்டனர்.
திரிணமுல் காங்கிரஸ் கட்சி பார்லிமென்டில் ரூபாய் நோட்டு வாபசிற்கு எதிராக ஓட்டெடுப்புடன் கூடிய தீர்மானத்திற்கு நோட்டீஸ் அளித்துள்ளது.
பேரணி:
இன்று மேற்கு வங்க முதல்வர் மம்தாவும், டில்லி முதல்வர் கெஜ்ரிவாலும் பேரணியாக ரிசர்வ் வங்கி சென்றனர். அங்கு இருவரும் ரிசர்வ் வங்கியில் எவ்வளவு பணம் உள்ளது. சூழ்நிலை சுமுக நிலைக்கு திரும்ப இன்னும் எத்தனை நாளாகும். எவ்வளவு பணம் அச்சடிக்கப்பட்டுள்ளது போன்ற விபரங்களை கேட்டனர்.
இதனை கெஜ்ரிவால் தனது டுவிட்டர் பக்கத்தில் கூறியுள்ளார்.
எச்சரிக்கை:
பின்னர் மம்தா பானர்ஜி கூறியதாவது: அரசியல் சட்டத்தை பிரதமர் மோடி உடைத்துள்ளார். இந்த திட்டத்தை அமல்படுத்தும் முன்னர் மத்திய அரசு ஏன் முறையாக செயல்படுத்தவில்லை. இந்த திட்டம் காரணமாக சாமான்ய மக்கள் பெரிதும் பாதிக்கப்பட்டுள்ளனர். நாங்கள் மத்திய அரசுக்கு 3 நாள் கெடுவிதிக்கிறோம்.
அதற்குள் பிரச்னைகளை தீர்க்க வேண்டும். இல்லாவிட்டால், நாங்கள் உங்களை சும்மாவிட மாட்டோம். நாங்கள் இன்னும் உயிருடன் தான் உள்ளோம் என்றார்.
மோசடி:
டில்லி முதல்வர் கெஜ்ரிவால் கூறுகையில், மத்திய அரசு தனது முடிவை 3 நாளில் திரும்ப பெற்றுக்கொள்ள வேண்டும். மக்களின் பொறுமையை சோதிக்க வேண்டாம்.
இல்லாவிட்டால் மக்கள் புரட்சயில் ஈடுபடுவார்கள். ரூபாய் நோட்டு வாபஸ் பெறப்பட்டது, சுதந்திரத்திற்கு நடந்த மிகப்பெரிய மோசடி ஆகும் என்றார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.