இதுவரைக்கும் நாம் ஸ்கேன் செய்த, ஆவணங்களை மட்டுமே, டிஜிலாக்கரில் சேமித்துக் கொள்ளும் வசதி இருந்தது. ஆனால் இனிமேல், போனில் டிஜிலாக்கர் ஆப்பை டவுன்லோடு செய்து, அதில் ஆதார் எண் கொடுத்து, உள்ளே நுழைந்தால் போதும். நமது லைசென்சின் மின்-நகலை இதில் பெற முடியும். அத்துடன் வாகனப் பதிவு சான்றிதழையும் பெற்றுக்கொள்ளலாம். இந்த இ-ஆவணங்கள் வாகன ஓட்டிகளுக்கு சிறந்த வசதியாக இருக்கும். இந்த சேவை இன்று முதல் அறிமுகப்படுத்தப்பட்டுள்ளது.
இதற்காக இந்தியாவின் தகவல் தொழில்நுட்பத்துறை அமைச்சகம், நெடுஞ்சாலை மற்றும் போக்குவரத்துறை அமைச்சகத்துடன் கைகோர்த்துள்ளது. இந்த இ-லைசென்ஸ் நமது போனில் இருந்தால் போதும், நமது ஒரிஜினல் லைசென்சை எடுத்துசெல்ல வேண்டிய அவசியம் கிடையாது. அத்துடன், நாம் காட்டும் லைசென்ஸ் உண்மையானதுதானா என காவல் துறையினரும் இந்த ஆப் மூலம், எளிதில் கண்டுபிடிக்க முடியும். ஏற்கனவே தெலுங்கானா மாநிலத்தில் இ-லைசென்ஸ்க்கு என தனியாக ஒரு ஆப் உருவாக்கப்பட்டு, நல்ல வரவேற்பு பெற்றது. இதுபோல, வருங்காலத்தில் எல்லா அரசு ஆவணங்களையும், மின்னணு முறையில் மாற்றினால், டிஜிலாக்கர் நல்ல வரவேற்பை பெறும்.
இதுவரைக்கும் இந்த டிஜிலாக்கர் வசதிக்காக 21,51,527 பேர் பதிவு செய்துள்ளனர். மொத்தம் 24,91,159 ஆவணங்கள் இதில் பதிவேற்றப்பட்டுள்ளது என்பது குறிப்பிடத்தக்கது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.