சென்னை சென்ட்ரலில் இருந்து நேற்று மாலை 5 மணிக்கு புறப்பட தயாராக இருந்த மங்களூர் எக்ஸ்பிரஸ் ரயிலில் படுக்கை வசதிக் கொண்ட பெட்டியில் பயணம் செய்ய சுமார் 80க்கும் மேற்பட்ட பயணிகள் முன்பதிவு செய்திருந்தனர். இந்நிலையில், குறிப்பிட்ட 'எஸ் 12' பெட்டி காணாமல் போனதால், தவித்த பயணிகள் மாற்று ஏற்பாடு செய்துத்தர கோரி ரயில்வே அதிகாரிகளிடம் முறையிட்ட பிறகு இரவு 8 மணிக்கு ரயில் புறப்பட்டு சென்றது.
சுமார் 3 மாதங்களுக்கு முன்னதாகவே டிக்கெட் முன்பதிவு செய்யப்பட்டும், கடைசி நேரத்தில் ரயில் பெட்டி இல்லாத காரணத்தால் ரயில்வே அதிகாரிகளிடம் பயணிகள் கடும் வாக்குவாதத்தில் ஈடுபட்டனர். பின்னர் பயணிகளை சமாதானப்படுத்தி கூடுதல் பெட்டியை இணைத்து சுமார் 2 மணி நேர தாமதத்திற்கு பிறகு ரயில் இயக்கப்பட்டுள்ளது.
முன்னதாக மங்களூர் விரைவு ரயில் பெட்டியில் இயந்திரக் கோளாறு காரணமாக ரயில் பெட்டி நீக்கப்பட்டுள்ளது. ஆனால், இதனையறியாத வணிக துறையினர் கூடுதல் பெட்டிக்கான காத்திருப்பு பட்டியலை சீர் செய்ததால் இந்த குழப்பம் நேர்ந்துள்ளது. 11 படுக்கை வசதிக் கொண்ட பெட்டிகள் மட்டுமே உள்ள ரயிலில் கூடுதல் பெட்டிக்கான காத்திருப்பு பட்டியலை சீர் செய்து ரயில்வே அதிகாரிகள் மெத்தனமாக செயல்பட்டதால் பயணிகள் அவதிக்குள்ளாகியுள்ளனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.