சென்னையை அடுத்த போரூர் ஸ்ரீ ராமச்சந்திரா மருத்துவமனையில் கோட்டீஸ்வரி (வயது 9) எனும் சிறுமி, ரத்த புற்றுநோய் பாதித்த நிலையில் சிகிச்சை பெற்று வருகிறார். புற்றுநோய் முற்றிய நிலையில் சிறுமி இருப்பதாக அவரது பெற்றோர் மற்றும் உறவினர்களிடம் டாக்டர்கள் தெரிவித்தனர். இதையடுத்து சிறுமியிடன் ஏதாவது ஆசை உள்ளதா? என்று பெற்றோர் கண்ணீருடன் கேட்டு உள்ளனர். அதற்கு அந்த சிறுமி, ‘சினிமா நடிகர் தனுசை சந்திக்க ஆசைப்படுகிறேன்’, என்று தெரிவித்தார்.
இந்த தகவல் உடனடியாக நடிகர் தனுஷ் கவனத்துக்கு கொண்டு செல்லப்பட்டது. இதையடுத்து நேற்று ஆஸ்பத்திரியில் சிகிச்சை பெற்றுவரும் சிறுமி கோட்டீஸ்வரியை, தனுஷ் நேரில் சந்தித்தார். அவரது உடல் நிலை குறித்து டாக்டர்களிடம் கேட்டறிந்தார். தனது விருப்பமான நடிகரை நேரில் கண்டதும் சிறுமி ஆனந்தம் அடைந்தார். தனுசை கட்டி தழுவிக் கொண்டார். கோட்டீஸ்வரியுடன் நீண்ட நேரம் இருந்துவிட்டு, தனுஷ் அங்கிருந்து புறப்பட்டார்.
‘‘என் வாழ்நாளில் நான் மிகவும் மகிழ்ச்சியாக உள்ளேன். எனக்கு பிடித்த தனுசுடன் நான் நிறைய புகைப்படம் எடுத்துக் கொண்டேன். இதை என்றுமே மறக்கமுடியாது. அவருக்கு எனது நன்றிகள்’’, என்று சிறுமி கோட்டீஸ்வரி கூறியுள்ளார்.
நேற்று தான் தனது பிறந்தநாளை தனுஷ் கொண்டாடினார். பிறந்தநாள் கொண்டாட்டம் மற்றும் படப்பிடிப்புகளுக்கு நடுவே சிறுமியின் ஆசையை தனுஷ் நிறைவேற்றி உள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.