மகாராஷ்ட்ர மாநிலம் மும்பையைச் சேர்ந்த 43 வயதான சரிதா ஜகடே இரண்டு பெண் குழந்தைகளுக்கு தாய்.குடும்ப சூழ்நிலை காரணமாக நான்காம் வகுப்போடு பள்ளிப்படிப்பை நிறுத்தியிருந்தாலும், எப்படியாவது படித்து சாதிக்க வேண்டும் என்ற எண்ணம் அடிக்கடி சரிதாவின் மனதில் வந்து செல்லும்.
திருமணம்,குழந்தைகள் என வாழ்க்கையின் பாதையில் சென்று கொண்டிருந்த சரிதாவின் வாழ்வில் அவருடைய கணவரின் மூலம் கல்வி கற்க உதவி கிடைத்துள்ளது.இரவு நேர பள்ளிக்கு சென்று கல்வி பயில சரிதாவை ஊக்குவித்துள்ளார் அவருடைய கணவர்.முதலில் தயங்கிய சரிதா,பின்னர் படிப்படியாக முன்னேற்றம் கண்டுள்ளார்.
35 ஆண்டுகளுக்கு பிறகு 8-ஆம் வகுப்பில் சேர்ந்த சரிதா,விடாமுயற்சியோடு படித்து தனித்தேர்வராக பத்தாம் வகுப்பு தேர்வை எழுதியுள்ளார்.இதே நேரத்தில் சரிதாவின் மூத்த மகள் 12-ஆம் வகுப்பு தேர்வையும்,இளைய மகள் பத்தாம் வகுப்பு தேர்வையும் எழுதியுள்ளனர்.
தேர்வு நேரத்தில் மூவரும் வீட்டு வேலைகளை பிரித்துக்கொண்டது மட்டுமல்லாது, படிப்பதிலும் ஒருவருக்கொருவர் உதவி செய்துள்ளனர்.இதனால் ஒரே குடும்பத்தைச் சேர்ந்த தாய்,இரண்டு மகள்கள் ஒரே சமயத்தில் தேர்வில் வெற்றி பெறுவது சாத்தியமாகியுள்ளது.35 ஆண்டுகளுக்கு பிறகு பள்ளிக்கு சென்றாலும், தன்னுடைய ஆர்வத்தாலும், கடும் முயற்சியாலும் வெற்றியடைந்துள்ள சரிதாவை பலரும் பாராட்டி வருகின்றனர்.கல்வி கற்க வயது ஒரு தடை இல்லை என்பதற்கு இந்த சம்பவமே ஒரு உதாரணம்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.