திருவாரூர் தொகுதியில் 2-வது முறையாக போட்டியிட்டு வெற்றி பெற்ற கருணாநிதி சக்கர நாற்காலியில் வந்து சட்டமன்ற உறுப்பினராக பதவியேற்றுக்கொண்டார். கருணாநிதி 13-வது முறையாக சட்டமன்ற உறுப்பினராக பதவியேற்றுக் கொண்டது குறிப்பிடத்தக்கது.
முன்னதாக, எதிர்க்கட்சித் தலைவர் மு.க.ஸ்டாலின், இந்திய யூனியன் முஸ்லிம் லீக் எம்.எல்.ஏ. அபுபக்கர், முன்னாள் சபாநாயகர் தனபால், துணை சபாநாயகர் பொள்ளாச்சி ஜெயராமன் ஆகியோர் பதவியேற்றுக்கொண்டனர்.
பின்னர் செய்தியாளர்களிடம் பேசிய அவர் கடமை உள்ளதால் சட்டப்பேரவைக்கு வந்தேன் என்றார். தேர்தல் ஆணையம் தேர்தலுக்கு எதிரான ஆணையம் போல் செயல்படுகிறது எனக் குற்றஞ்சாட்டினார்.
தமிழக சட்டப்பேரவைத் தேர்தலில் திமுக 89 தொகுதிகளில் வெற்றி பெற்றது. அதன் கூட்டணியில் உள்ள காங்கிரஸ் 8 இடங்களிலும், இந்திய யூனியன் முஸ்லிம் லீக் 1 இடத்திலும் வென்றன. திமுக கூட்டணி 98 தொகுதிகளில் வெற்றி பெற்று வலுவான எதிர்க்கட்சியாக உருவெடுத்துள்ளது.
கடந்த 1991,2001, 2011 ஆகிய ஆண்டுகளில் சட்டப் பேரவைத் தேர்தலில் திமுக தோல்வியடைந்த போது கருணாநிதி முதல் நாள் பதவியேற்பு நிகழ்ச்சியில் கலந்துகொள்ளவில்லை. சபாநாயகர் அறைக்கு சென்று சட்டமன்ற உறுப்பினராக பதவியேற்றுக் கொண்டது நினைவுகூரத்தக்கது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.