தாறுமாறாக அதிகரிக்கும் உடல் சூட்டினால் ஹீட் ஸ்ட்ரோக் ஏற்பட வாய்ப்புகள் அதிகம். மேலும், உடலில் நீர்வறட்சி ஏற்படுதல் சிறுநீரகம், கல்லீரல், போன்ற உடல் உறுப்புகளின் செயற்திறனை குறைத்துவிடுகிறது. எனவே, உடலில் நீர்வறட்சி உண்டாகாமலும், உடலை குளுமையாக வைத்துக் கொள்ள வேண்டியதும் அவசியம்.
இனி, வெப்பத்தாக்குதல் உண்டாகாமல் இருக்க நீங்கள் உண்ண / பருக வேண்டிய உணவுகள் பற்றி பார்க்கலாம்…
ஆப்பிள்
ஆப்பிளில் இருக்கும் 84% நீர்சத்து வெயில் காலத்தில் வெப்பத்தினால் உண்டாகும் ஹீட் ஸ்ட்ரோக் மற்றும் நீர்வறட்சி போன்றவை ஏற்படாமல் பாதுகாக்கிறது.
வெள்ளரிக்காய்
வெள்ளரியில் இருக்கும் நீர் மற்றும் எலக்ட்ரோலைட்ஸ் உடலில் நீர்வறட்சி ஏற்படாமலும், அதிக வெப்பத்தால் ஹீட் ஸ்ட்ரோக் உண்டாகாமலும் இருக்க பயனளிக்கிறது.
இளநீர்
உடலில் நீர்வறட்சி உண்டாகாமல் பாதுகாப்பது மட்டுமின்றி, இளநீர் உடற்சக்தியை ஊக்குவிக்கவும் செய்கிறது. இது அதிக வெப்பத்தின் காரணமாக உண்டாகும் உடல்நலப் பிரச்சனைகளை போக்க உதவுகிறது.
தர்பூசணி
தர்பூசணியில் இயற்கை நச்சுக்கொல்லி இருக்கிறது. இது உடலில் சேரும் நச்சுக்களை போக்க உதவுகிறது. மேலும், உடல் சூடு அதிகரிக்காமல் இருக்கவும் தர்பூசணி உதவுகிறது.
பச்சடிக்கீரை (Lettuce)
பச்சடிக்கீரையில் 94% நீர்ச்சத்து இருக்கிறது மற்றும் இதில் மட்டுமின்றி உயர்ரக வைட்டமின் எ-வும் இருக்கிறது. இந்த இலை தாவர உணவு கோடையில் ஹீட் ஸ்ட்ரோக் உண்டாகாமல் இருக்க உதவுகிறது. மேலும், உடலை குளுமையாக்கவும் செய்கிறது.
முள்ளங்கி
இதில் நீர்ச்சத்து, வைட்டமின் சி, ஆண்டி- ஆக்ஸிடன்ட்ஸ் போன்றவை அதிகம். இவை உடலை குளுமையாக வைத்துக் கொள்ள உதவுகின்றன. இதை சாம்பார், பொரியல் என என எப்படி வேண்டுமானாலும் சமைத்து உண்ணலாம்.
முலாம்பழம்
நீர்சத்து அதிகமுள்ள பழங்களில் முலாம்பழம் முதன்மையில் இருக்கிறது. மேலும், இது வெகுவாக உடல் சூட்டை தணிக்கும் பழமும் கூட.
எலுமிச்சை
இதில் இருக்கும் சிட்ரிக் அமிலம் மற்றும் நீர்ச்சத்து உடல் சூட்டை தணிக்கவும், உடற்சக்தியை ஊக்குவிக்கிறது.
மோர்
செரிமானம் சீராக நடக்க, உடலை குளுமையாக்க கோடையில் பகல் வேளையில் மோர் பருகுங்கள். இது உடற்சக்தியையும் அதிகரிக்க செய்கிறது.
ஆரஞ்சு
ஆரஞ்சில் எலக்ட்ரோலைட்ஸ் மற்றும் பொட்டாசியம் இருக்கின்றன. இவை உடலில் நீர்வறட்சியை போக்கி ஹீட் ஸ்ட்ரோக் உண்டாகாமல் தடுக்க உதவுகின்றன.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.