மீனாட்சி திருக்கல்யாண நிகழ்வு, வைகை ஆற்றில் அழகர் இறங்கும் நிகழ்வு எதுவாக இருந்தாலும் கோவிலை சுற்றியுள்ள மூல ஆவணி வீதி, வடக்கு மாசி வீதி, தெற்கு மாசி வீதி, ராஜ கோபுர வீதி எனக் கோவிலை சுற்றி இருக்கும் வீதிகளில் சித்திரை வெயிலுக்கு இதமாக பக்தர்களுக்கு குடிக்க பொது மக்கள் சார்பில் நீர் மோர், பானக்கரம் உள்பட நீர் ஆகாரங்கள் கொடுப்பார்கள். அதை கோவிலுக்கு வரும் பொதுமக்கள் விரும்பி வாங்கி பருகுவார்கள்.
இந்த ஆண்டு கோவிலை சுற்றியுள்ள பிரதான வீதிகளில் நீர் மோர் ஆகாரங்கள் கொடுக்கக்கூடாது என்று காவல்துறை சார்பில் தடை போட்டு விட்டனர். இது பொது மத்தியில் வருத்தத்தை ஏற்படுத்தி இருக்கிறது. அதே நேரத்தில், பன்னாட்டு குளிர்பான நிறுவனமான கோகோ கோலா நிறுவனத்தின் குளிர்பானங்கள் ஸ்டால் போட்டு விற்பனை செய்யப்பட்டது.
''இலவசமாக கொடுக்கும் பாரம்பர்யமான உள்ளூர் நீர் மோர்களுக்கு தடை விதித்து விட்டு, கோகோகோலா நிறுவனத்திற்கு ஸ்டால் போட்டு வியாபாரம் செய்ய எப்படி அனுமதி கொடுத்தீர்கள்?'' என்று மதுரையை சேர்ந்த 'நாணல் நண்பர்கள்' சமூக வலையதளத்தில் கேள்வி எழுப்பி இருந்தனர்.
நாணல் நண்பர்கள் குறிப்பிட்ட இடத்தை பார்வையிட்டோம். அந்த இடத்தில் கோகோகோலா நிறுவனம் சார்பில் ஸ்டால் போட்டு இருந்தனர்.
இது குறித்து காவல்துறை வட்டாரத்தில் கேட்டபோது, ''மக்கள் கூட்டம் அதிகமாக இருப்பதால் அதிக அளவில் செயின் பறிப்பு, நகை திருட்டுகள் நடக்கிறது. தவிர குற்றவாளிகளே நீர் மோர் கொடுப்பது போல கொடுத்து பக்தர்களின் உடைமைகளை திருடவும் வாய்ப்புகள் அதிகமாக இருப்பதால் இந்த ஆண்டு யாருக்கும் நீர் மோர் கொடுக்க அனுமதி வழங்கவில்லை. கோகோகோலா விற்கும் அனுமதி வழங்கவில்லை" என்றார்கள்.
'நாணல் நண்பர்கள்' அமைப்பை சேர்ந்த தமிழ்தாசன், " காவல் துறைக்கு தெரியாமல் எப்படி பன்னாட்டு நிறுவனத்தினர் ஸ்டால் போட முடியும்? பாரபட்சம் காட்டும் அதிகாரிகள் யார் என்று மக்களுக்கு தெரிய வேண்டும். பாரம்பர்யமாக நடைபெறும் இலவச நீர் மோர் கொடுக்கும் வேண்டுதல் நிகழ்வை தடை செய்ய யாருக்கும் உரிமை இல்லை. இது, இந்த மண்ணின் மனிதாபிமானத்தை குறிக்கும் சம்பவத்தை பறை சாற்றும் நிகழ்வு. இதை தடை செய்து விட்டு எப்படி மற்றவர்கள் வியாபாரம் செய்ய அனுமதிக்கிறார்கள் ?'' என்றார்.
உள்ளூர் இலவச பானங்களுக்கு தடை..பன்னாட்டு பானங்களுக்கு பச்சை கம்பளமா?
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.