தமிழக விவசாயிகள் டெல்லியில் கடந்த சில நாட்களாக போராட்டம் நடத்தி வருகின்றனர். விவசாயக் கடனை ரத்து செய்ய வேண்டும். காவிரி மேலாண்மை வாரியம் அமைக்க வேண்டும். நதிகளை இணைக்க வேண்டும் போன்ற பல்வேறு கோரிக்கைகளை வலியுறுத்தி போராட்டம் நடத்தி வருகின்றனர்.
இரண்டாவது முறையாக கடந்த வாரம் டில்லி சென்ற தமிழக விவசாயிகள் ஜந்தர் மாந்தரில் போராட்டம் நடத்தி வருகின்றனர், தங்களைத் தாங்களே செருப்பால் அடித்துக் கொள்வது, மொட்டை போட்டுக் கொள்வது என பல்வேறு போராட்டங்களை நடத்தி வருகின்றனர்.
இன்று காலை 9 மணிக்குமேல் போராட்டத்தில் ஈடுபட்டு இருந்த நாமக்கல் மாவட்டம், பரமத்திவேலூரைச் சேர்ந்த சுப்ரமணியம் (வயது 61) திடீரென தூக்க மாத்திரைகளை சாப்பிட்டார். இதனால் பரபரப்பு ஏற்பட்டது. உடனடியாக அவர் ஆர்எம்எல் மருத்துவமனையில் சேர்க்கப்பட்டார். அங்கு அளிக்கப்பட்ட தீவிர சிகிச்சைக்குப் பின்னர் அபாய கட்டத்தில் இருந்து தப்பினார்.
தன்னுடைய தற்கொலையாவது விவசாயிகளுக்கு நிவாரணத்தை தேடி தரட்டும் என்ற எண்ணத்தில் சுப்ரமணியம் தூக்க மாத்திரைகளை சாப்பிட்டதாக விவசாயிகள் போராட்ட அமைப்பின் செய்தி தொடர்பாளர் பிரேம் குமார் டைம்ஸ் ஆப் இந்தியாவுக்கு அளித்த பேட்டியில் தெரிவித்தார்.
தொடர்ந்து அவருக்கு ஆர்எம்எல் மருத்துவமனையில் சிகிச்சை அளிக்கப்பட்டு வருகிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.