மருத்துவ சேர்க்கைக்காக நீட் எனப்படும் தேசிய தகுதிகாண் தேர்வானது இந்த ஆண்டு முதல் அறிமுகப்படுத்தப்பட்டது. இதுபோன்ற இந்திய அளவில் நடத்தப்படும் தேர்வால் தமிழக மாணவர்கள் அதிலும் குறிப்பாக கிராமப்புற மாணவர்கள் பாதிக்கப்படுவர்.
ஏழை மாணவர்களின் மருத்துவக் கனவானது எட்டாக்கனியாகிவிடும் என்பது தமிழகத்தின் நிலைப்பாடு. இந்த நிலையில் கடந்த மே மாதம் நீட் தேர்வு நடப்பதற்கு முன்பிலிருந்தே இதற்கான எதிர்ப்பு தெரிவிக்கப்பட்டு வருகிறது. நீட் தேர்வில் இருந்து விலக்கு அளிக்க தமிழகத்தின் ஆளும், எதிர்க்கட்சிகளும் கோரிக்கை விடுத்த வண்ணம் உள்ளனர்.
சுகாதாரத் துறை அமைச்சர் விஜயபாஸ்கர் உள்ளிட்டோர் மத்திய சுகாதாரத் துறை அமைச்சர் நட்டாவுடன் பலகட்டங்களாக பேச்சுவார்த்தை நடத்தினர். எனினும் இதற்கு தீர்வு காணப்படவில்லை. இந்நிலையில் புதிதாக தேர்ந்தெடுக்கப்பட்ட ஜனாதிபதியின் பதவியேற்பு விழா இன்று டெல்லியில் நடைபெற்றது.
இந்த விழாவில் கலந்து கொள்ள முதல்வர் எடப்பாடி பழனிச்சாமி, அமைச்சர்கள் ஜெயக்குமார், வேலுமணி, தங்கமணி, விஜயபாஸ்கர் உள்ளிட்டோர் டெல்லி சென்றுள்ளனர். நீட் தேர்வில் இருந்து விலக்கு கோரி இன்று காலை பிரதமர் நரேந்திர மோடியை முதல்வர் எடப்பாடி பழனிச்சாமி உள்ளிட்டோர் சந்தித்து பேசினர்.
மேலும் நீட் தேர்வுக்கு விலக்கு அளிப்பது தொடர்பாக சட்ட ரீதியிலாக ஒப்புதல் அளிக்க வேண்டும் என்றும் கோரினர். இந்நிலையில் தமிழக சட்டசபையில் நீட் தேர்வுக்கு விலக்கு அளிக்கும் அவசரச் சட்டத்தை பிறப்பிக்க முதல்வர் எடப்பாடி பழனிச்சாமி மத்திய அரசுடன் அவசர ஆலோசனை நடத்தி வருகிறார் என தகவல்கள் வெளியாகி உள்ளன.
நீட் தேர்வில் இருந்து 2 அல்லது 3 ஆண்டுகளுக்காவது விலக்கு பெற தமிழக அரசு முயற்சித்து வருகிறது. அவசரச் சட்டம் பிறப்பித்த பின்னரே மருத்துவ படிப்புகளுக்கான கலந்தாய்வு தொடங்கும் என்று தெரிகிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.