நாட்டின் 14 வது குடியரசு தலைவரை தோ்ந்தெடுப்பதற்கான தோ்தல் இன்று நடைப்பெற்றது.தமிழகத்தில் அதிமுக பாஜக வேட்பாளர் ராம்நாத் கோவிந்திற்கும் , திமுக மற்றும் கூட்டணி கட்சிகள் காங்கிரஸ் வேட்பாளர் மீரா குமாருக்கும் ஆதரவு தெரிவித்திருந்தனர். தேர்தல் வாக்குப்பதிவு இன்றுடன் (ஜுலை 17) முடிவடைவதை தொடர்ந்து தமிழக அரசியலில் பெரும் மாற்றம் ஏற்பட வாய்ப்புள்ளது.
ஜெயலலிதா மறைவு , கருணாநிதி உடல்நலக்குறைவால் பாதிக்கப்பட்டுள்ளது உள்ளிட்ட காரணங்களால் தமிழக அரசியலில் தலைமைக்கான வெற்றிடம் ஏற்பட்டுள்ளது. முதல்வராக இருந்த ஜெயலலிதாவின் மறைவுக்கு பிறகு ஆளும் கட்சியான அதிமுகவில் பிளவு ஏற்பட்டு ஓபிஎஸ், இபிஎஸ் மற்றும் டிடிவி என மூன்று அணிகளாக செயல்படுகிறனர்.
அதிமுக கட்சியை உடைத்து தன்னை நிலைநிறுத்திக்கொள்ள பாஜக முயல்வதாக ஏற்கெனவே ஏதிர்கட்சிகள் குற்றம் சாட்டி வருகின்றனர். அதிமுக வின் மூன்று அணிகளும் குடியரசு தலைவர் தேர்தலில் பாஜகவுக்கு ஆதரவு தெரிவித்தது மத்தியில் ஆளும் பாஜக அரசுக்கு, சிபிஜ விசாரணைக்கும் பயந்து தான் என்றும் ஏதிர்கட்சிகள் கூறிவருகின்றனர்.
தமிழக அரசியலில் மறைமுகமாக ஆதிக்கம் செலுத்தி வரும் பாஜக , குடியரசு தலைவர் தேர்தல் நிறைவு பெற்றுள்ளதால் தனது ஆட்டத்தை நேரடியாக ஆரம்பிக்கும் என்று கூறப்படுகிறது. இதுவரை குடியரசு தலைவர் தேர்தலுக்காக தான் அதிமுகவை பாஜக பயன்படுதியதாகவும், இனிமேல் அதிமுகவின் தயவு பாஜகவுக்கு தேவையில்லை என்பதால் தமிழக அரசியல் களம் மீண்டும் சூடுபிடிக்கும் என்று கூறப்படுகிறது.
அதிமுகவின் மூன்று அணிகளும் ஒன்றிணையுமா? அல்லது பாஜகவின் ஆட்டத்தில் காணாமல் போகுமா?, தமிழகத்தில் ஆட்சி கவிழ்ந்து மீண்டும் சட்டசபை தேர்தல் நடைபெறுமா? என்பதை பொருத்திருந்தான் பார்க்க வேண்டும் என்று அரசியல் விமர்சகர்கள் கருத்து தெரிவித்துள்ளனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.