நடிகர் சரத்குமாரின் மகளும் நடிகையுமான வரலட்சுமி கடந்த மார்ச் ஒன்றாம் தேதி பெண்கள் பாதுகாப்பு அமைப்பை தொடங்கினார். இந்த அமைப்பு நடிகைகள் மட்டுமின்றி பாலியல் தொல்லைக்கு ஆளாகும் அனைத்து பெண்களுக்கும் உதவும் என அவர் தெரிவித்தார்.
முன்னணி நடிகை ஒருவர் கேரளாவில் காரில் கடத்தப்பட்டு பாலியல் பலாத்காரத்துக்கு ஆளாக்கப்பட்டார். இதைத்தொடர்ந்து நடிககை வரலட்சுமி தன்னிடம் முன்னணி டிவி சேனல் நிகழ்ச்சி தயாரிப்பாளர் ஒருவர் தவறாக பேசியதாக தெரிவித்தார்
வேவ் சக்தி
பின்னர் பெண்களின் பாதுகாப்புக்காக அவர் புது அமைப்பு ஒன்றை கடந்த ஒன்றாம் தேதி தொடங்கினார். வேவ் சக்தி என அந்த பாதுகாப்பு அமைப்புக்கு பெயரிடப்பட்டுள்ளது.
முதல்வருடன் சந்திப்பு
இந்நிலையில் வரலட்சுமி முதல்வர் எடப்பாடி பழனிச்சாமியை இன்று நேரில் சந்தித்தார். அப்போது தனது பெண்கள் பாதுகாப்பு அமைப்பு தொடர்பாக விளக்கியதாக தெரிகிறது.
பெண்கள் பாதிப்பு
இதைத்தொடர்ந்து வரலக்ஷ்மி செய்தியாளர்களிடம் பேசினார். அப்போது பாலியல் பலாத்காரங்களால் பெண்கள் மனரீதியாகவும் உடல் ரீதியாகவும் பாதிக்கப்படுகின்றனர் என்று அவர் கூறினார்.
6 மாதத்தில் தீர்ப்பு
மாவட்டம் தோறும் மகளிர் நீதிமன்றங்கள் அமைக்கப்பட வேண்டும் என்றும் அவர் வலியுறுத்தினார். பெண்களுக்கு எதிரான குற்றங்களில் 6 மாதத்தில் தீர்ப்பு வழங்கப்பட வேண்டும் என்றும் அவர் கோரிக்கை விடுத்தார். தனது கோரிக்கைகள் குறித்து முதல்வரிடம் தெரிவித்திருப்பதாகவும் அவர் கூறினார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.