ஐயையோ சத்தமாக சொல்லாதீர்கள் அப்புறம் நீங்களும் ஆண்ட்டி இந்தியனாகி விடுவீர்ர்கள்
சென்னை ஐஐடி மாணவர் சூரஜ் தாக்கப்பட்டது குறித்து மாணவர்கள் நடத்திய செய்தியாளர்கள் சந்திப்பில், ஆர்எஸ்எஸ் அமைப்புக்கு ஆதரவாக ஐஐடி நிர்வாகம் செயல்படுகிறது என்று குற்றம்சாட்டினர்.
இறைச்சிக்காக மாடுகள், எருமை, ஒட்டகம், கன்றுக்குட்டி ஆகியவற்றை கொல்லக் கூடாது என்று மத்திய அரசு கடந்த வெள்ளிக்கிழமை அன்று சட்டம் கொண்டு வந்தது. இதற்கு பெரும்பாலானோர் எதிர்ப்பு தெரிவித்து வருகின்றனர்.
இந்த சட்டத்தை திரும்ப பெறுமாறு தமிழக எதிர்க்கட்சிகள், புதுவை, கேரள ஆளும் கட்சிகள் கோரிக்கை விடுத்து வருகின்றன. இன்று திமுக உள்ளிட்ட எதிர்க்கட்சிகள் சார்பில் தமிழகத்தில் போராட்டம் நடைபெறவுள்ளது.
சென்னை ஐஐடி மாணவர்கள் பல்கலைக்கழக வளாகத்தில் மாட்டிறைச்சி உண்ணும் திருவிழா நடத்தினர். இதில், சுமார் 80-க்கும் அதிகமான மாணவர்கள் கலந்து கொண்டனர். இவர்கள் மாட்டிறைச்சி உணவு வகைகளை ஹோட்டலில் வாங்கிவந்து வளாகத்தின் உள்ளேயே இணைந்து சாப்பிட்டதாக கூறப்படுகிறது.
இதனிடையே தாக்குதல் நடத்தப்பட்டது குறித்து ஐஐடி மாணவர்கள் இன்று செய்தியாளர்கள் மன்றத்தில் பேட்டி அளித்தனர். அப்போது அவர்கள் கூறுகையில், பீப் திருவிழாவை அமைதியான முறையில் நடத்தி வந்தோம்.
இந்த திருவிழா குறித்து எங்கள் கல்வி நிறுவனத்தின் டீனுக்கு நன்றாகவே தெரியும். 2 மாணவர்கள் சூரஜை பிடித்துக் கொள்ள மணீஷ் என்ற மாணவர் சூரஜின் கண்ணில் குத்தினர். சூரஜ் மீது தாக்குதல் நடத்திய மாணவர்கள் மணீஷ் தாக்குதலுக்கு உள்ளானதாக பொய் பரப்புரை செய்து வருகின்றனர்
மணீஷ் என்ற மாணவரின் செயல்பாடுகள் குறித்து ஐஐடி நிர்வாகத்துக்கு தெரியப்படுத்தியும் நடவடிக்கை ஏதும் இல்லை. அவர் மீது நடவடிக்கை எடுக்காதது நிர்வாகத்தின் தவறாகும். ஐஐடி நிர்வாகம் ஆர்.எஸ்.எஸ். அமைப்புக்கு ஆதரவாக செயல்பட்டு வருகிறது என்று அந்த மாணவர்கள் தெரிவித்தனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.