கடந்த சில நாட்களுக்கு முன்பு இறைச்சிக்காக மாடுகளை சந்தைகளில் விற்கக் கூடாது என மத்தியில் ஆளும் பாஜக அரசு உத்தரவு பிறப்பித்தது. இதனால் நாடு முழுவதும் பெரும் சர்ச்சையும் எதிர்ப்பும் கிளம்பியது. மேலும் கேரளா, தமிழகம் உட்பட தென் மாநிலங்களில் மாட்டிறைச்சி திருவிழா என்ற பெயரில் பொது இடங்களில் மாட்டிறைச்சி சமைத்து உண்டு அவர்களுடைய எதிர்ப்புகளை பதிவு செய்தனர்.
இந்நிலையில் வடகிழக்கு மாநிலமான மேகாலயாவில் உள்ள பாஜகவின் மாவட்ட தலைவரான பச்சூ மராக் என்பவர் மாட்டிறைசிக்கான தடையை கண்டித்து அவருடைய பதவியை ராஜினாமா செய்துள்ளார். மேலும் மத்தியில் ஆளும் பாஜக அரசு மதவாத கருத்துக்களை மக்கள் மீது திணிப்பதாகவும், இறைச்சிக்காக மாடுகளை விற்க தடை விதிக்கப்பட்டுள்ளதன் மூலம் மேகாலயாவில் உள்ள பூர்வகுடி மக்களின் அடிப்படை உரிமைகள் பறிக்கப்படுவதாகவும் குற்றம் சாட்டியுள்ளார்.
பாஜகவின் மற்றொரு மாவட்ட தலைவரான பெர்னார்ட் மராக் என்பவரும் மாடுகளை இறைச்சிக்காக விற்பதற்கு தடை விதிக்கப்பட்டதை கண்டித்து அவருடைய பதவியை ராஜினாமா செய்துள்ளார் என்பது குறிப்பிடத்தக்கது.
இறைச்சிக்காக மாடுகளை விற்க தடைவிதிக்கப்பட்டதற்கு எதிர்க்கட்சிகள் எதிர்ப்பு தெரிவித்து வந்த நிலையில் இப்பொழுது பாஜகவில் உள்ள தலைவர்களே எதிர்ப்பு தெரிவித்து இருப்பது அக்கட்சியில் பெரும் குழப்பத்தை ஏற்படுத்தியுள்ளது.
அடுத்த ஆண்டு நடைபெறவிருக்கும் மேகாலயா சட்டமன்ற தேர்தலில் வெற்றி பெற வேண்டும் என பாஜக வியூகம் வகுத்து வந்த நிலையில் மாட்டிறைச்சிக்கான தடை பாஜகவிற்கு பெரும் பின்னடைவை ஏற்படுத்தியுள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.