சீனாவைச் சேர்ந்த ஒருவரின் வீடியோ பதிவை யுனிலேட் முகநூலில் பதிவிட்டுள்ளது. அந்த வீடியோவை இது வரை 6 கோடி பேர் பார்த்ததுடன், இவர் ஏன் இப்படி செய்கிறார் என்றும் கேள்வி எழுப்பியுள்ளனர்.
இணையத்தில் பிரபலமடைய பல வழிகள் இருக்கும் போது இது போன்ற ஆபத்தான முயற்சியை செய்தது ஏன் என்று பலரும் விமர்சிக்கின்றனர்.அப்படி அந்த நபர் என்ன செய்துள்ளார் என கேட்கிறீர்களா.
வீடியோவில் தோன்றும் இளைஞர் ஐந்து பீர் மக் முழுவதும் முட்டைகளை உடைத்து ஊற்றியுள்ளார். ஒவ்வொரு மக்கிலும் 10 முட்டை வீதம் சுமார் 5 மக்குகளில் 50 முட்டைகளை வரிசையாக அடுக்கி வைத்திருக்கிறார். ஒரு மக்கை எடுத்து ஒரே கல்பாக பச்சை முட்டையை குடித்தவர், அடுத்தடுத்து 5 மக்குகளை மடக்கு மடக்கென கல்ப்பாக அடித்துள்ளார்.
இதில் என்ன சுவாரஸ்யம் இருக்கிறது என்று தானே நினைக்கிறீர்கள், பச்சையாக ஒரு முட்டையை குடிப்பதே கடினம். ஏனெனில் அதன் பச்சை வாசனை வயிற்றை குமட்டிக் கொண்டு வரும். 5 பீர் மக்குகளில் இருந்த 50 முட்டையையும் மடக் மடக்கென்று குடித்தவர் இறுதியாக வெற்றி குறியும் காட்டுகிறார். சுவாசிப்பதற்கு கூட நேரம் கொடுக்காமல் ஒவ்வொரு மக் முட்டையை முழுங்கியுள்ளார்.
இணையதளத்தில் பிரபலமடைவதற்காக வித்தியாசமானவற்றை செய்வதை தனது வழக்கமாக வைத்துள்ளார் இந்த நபர். அவர் நினைத்தது போலவே முட்டைகளை பச்சையாக குடித்து பிரபலமடைந்துள்ளதாகவும் ஏறத்தாழ 6 கோடி பேர் இதனை பார்த்துள்ளதாகவும் டெய்லி மெயில் குறிப்பிட்டுள்ளது.
இது மட்டுமின்றி அவரின் லைவ் ஸ்டீரீம் வீடியோவிற்காக முகநூலில் பின்தொடர்பவர்களின் எண்ணிக்கை அதிகரித்துள்ளதாகவும் செய்தி வெளியிட்டுள்ளது. எனினும் இணையத்தில் பிரபலமடைய பல வழிகள் இருக்கும் போது இது போன்ற ஆபத்தான முயற்சியை செய்தது ஏன் என்று பலரும் விமர்சிக்கின்றனர். ஏனெனில் பச்சை முட்டையை உண்ணும் போது அதில் பாக்டீரியாக்களின் தாக்கம் இருக்கும் என்றும் கூறியுள்ளனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.