நடிகர் ரஜினிகாந்த் அரசியலுக்கு நிச்சயம் வருவார் என்றும் இன்னும் சில நாள்களில் அதற்கான அறிவிப்பை வெளியிடுவார் என்றும் அவரது நண்பர் ராஜ்பகதூர் தெரிவித்துள்ளார்.
கடந்த 25 ஆண்டுகளாக ரஜினி அரசியலுக்கு வருவாரா? வரமாட்டாரா? என்ற கேள்விக்கு வருவார் என்ற 70 சதவீத பதில் கிடைத்துள்ளது. 30 சதவீதம் அவர் வாயால் அறிவித்தாலே மட்டுமே 100 சதவீதம் தெரியவரும்.
கடந்த திங்கள்கிழமை நடிகர் ரஜினி ரசிகர்கள் முன்னிலையில் பேசிய கருத்தால் மிகப் பெரிய எதிர்பார்ப்பும், எதிர்ப்பும் ஏற்பட்டுள்ளது. ஒரு சாரார் அவர் வரட்டும் பார்க்கலாம் என்கின்றனர். இன்னும் சிலரோ அவர் வரக் கூடாது என்கின்றனர்.
அரசியலுக்கு வருவார்
இதனிடையே சன் தொலைகாட்சிக்கு அவரது நண்பரான ராஜ்பகதூர் பேட்டி அளித்தார். அப்போது அவர் கூறுகையில், ரஜினி காந்த் அரசியலுக்கு நிச்சயம் வருவார். அவரை வாழ வைத்த தமிழ்நாட்டுக்கு நன்மை செய்வார்.
100 சதவீதம்
அவர் அரசியலுக்கு வருவது 100 சதவீதம் உண்மை. அவ்வாறு வரும் பட்சத்தில் கட்சியில் குடும்ப உறுப்பினர்களை சேர்க்க மாட்டார். இந்த மாத தொடக்கத்தில் அவரது குடும்ப உறுப்பினருக்கு நடைபெற்ற திருமணத்தில் கலந்து கொள்ள பெங்களூர் வந்தார்.
சமாளிப்பார்
அப்போது அவரிடம் நான் இதுகுறித்து கேட்டேன். மேலும் அரசியல் என்பது சற்று கடினமாச்சே. சமாளிப்பீர்களா என்றேன். அதற்கு அவர் இத்தனை நாள்களாக அரசியலில் நிலைப்பது குறித்து இந்த 25 ஆண்டுகளில் நான் ஸ்டெடி செய்து கொண்டதாக தெரிவித்தார். இதனால் அவர் அரசியலுக்கு வருவார். வந்து மக்களுக்கு நல்லது செய்வார்.
தனிக்கட்சிதாங்க
அதிலும் தனிக்கட்சிதான் ஆரம்பிப்பார். காவிரி பிரச்சினைக்கு தீர்வு காண்பார். முதல்வரானால் அனைத்து பிரச்சினைகளுக்கும் தீர்வு காணலாம். அதே எம்எல்ஏ, அமைச்சரானால் குறிப்பிட்ட விஷயங்களில் மட்டுமே கவனம் செலுத்த முடியும். எனவே யாருடனும் கூட்டணிக்கு செல்லமாட்டார் என கூறியுள்ளார்.
பிறந்த நாள் பரிசு?
இதனால் அரசியலுக்கு வருவதை இன்னும் சில நாள்களில் அறிவித்துவிட்டு அவரது கட்சியின் பெயர், கொடி ஆகியவற்றை அவரது பிறந்த நாளன்று வெளியிடலாம் என்று தெரிகிறது. இது ரசிகர்களுக்கு பிறந்தநாள் பரிசாக இருக்கும்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.