இரட்டை இலை சின்னத்தை மீட்பதற்காக, இரண்டு அணிகளும் பேச்சுவார்த்தை என்ற பெயரில் தாறுமாறாக விமர்சித்து வருகின்றனர். நேற்று நடந்த மே தின பொதுக் கூட்டத்தில் கூட கோபாவேசம் காட்டினார் ஓ.பி.எஸ்.
"எடப்பாடியும் தினகரனும் கூட்டாளிகள். மக்கள் எண்ணத்தை நிறைவேற்றுவதாகக் கூறி கபட நாடகம் ஆடுகின்றனர்" எனக் கொந்தளித்தார் பன்னீர்செல்வம். மறுபக்கம் தன் பங்குக்கு தானும் ஆவேசம் காட்டியுள்ளார் எடப்பாடி பழனிச்சாமி.
கட்சியே நம்ம பாக்கெட்டில்தான்
சேலம் கூட்டத்தில் அவர் பேசுகையில், இரண்டு அணிகளும் இணைவதில் எந்த நிபந்தனையும் தேவையில்லை. ஒட்டுமொத்த கட்சியே நம்முடைய கட்டுப்பாட்டில்தான் இருக்கிறது. எதற்காக முதல்வர் பதவியை விட்டுத் தர வேண்டும்? எனக் கேள்வி எழுப்புகின்றனர் எடப்பாடி அணியினர்.
ஓ.பி.எஸ். தரப்பில் கூறுகையில், பன்னீர்செல்வத்துக்கு ஜெயலலிதா தயவால் இரண்டு முறை முதல்வர் பதவி தேடி வந்தது. மூன்றாவது முறை, மோடியின் தயவால் கிடைத்தது. அந்தப் பதவியை விட்டுத் தராமல் விடாப்பிடியாக சசிகலாவை அவர் எதிர்த்திருந்தால், முதல்வர் பதவியை யாரும் தட்டிப் பறித்திருக்க முடியாது.
நாம் வலுவாகத்தான் இருக்கிறோம்
இப்போது நாம் வலுவாக இருக்கிறோம். இந்த நேரத்தில் முதல்வர் பதவியை விட்டுத் தர வேண்டும் எனக் கேட்பதில் நியாயமே இல்லை என்பதுதான் எடப்பாடி ஆதரவாளர்களின் கருத்தாக இருக்கிறது. "கட்சியிலும் ஆட்சியிலும் தனக்கு மிஞ்சிய சக்தியை வளரவிட்டால், வரும் காலங்களில் அ.தி.மு.க கையைவிட்டு நழுவிப் போய்விடும் என நினைக்கிறார் எடப்பாடி.
நிரந்தர முதல்வர் கனவில்!
சேகர் ரெட்டியைக் கையில் வைத்துக் கொண்டே பன்னீர்செல்வத்தை வளைத்தார் மோடி. விஜயபாஸ்கர் வீட்டில் நடந்த ரெய்டால், எடப்பாடி வளைக்கப்பட்டார். அன்புநாதன் விவகாரத்தால் வழிக்கு வந்தார் நத்தம். சீனியர்களை வளைப்பதற்கு விதம் விதமான வித்தைகளைப் பயன்படுத்தியது பா.ஜ.க. அந்த வித்தைகளின் வழியாக, 'நிரந்தர பொதுச் செயலாளர் பிளஸ் நிரந்தர முதல்வர்' கனவில் ஊறித் திளைக்கிறார் எடப்பாடி பழனிச்சாமி என்கின்றனர் அ.தி.மு.கவினர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.