‘லஞ்சம் தவிர், நெஞ்சம் நிமிர்’ என முழங்கிவரும் ஐஏஎஸ் அதிகாரி சகாயம் அரசியலில் ஈடுபட வேண்டும் என தமிழகமெங்கும் இளைஞர்கள் வேண்டுகோள் விடுத்தனர். இது தொடர்பாக சமூக வலைதளங்களிலும், தங்களது விருப்பத்தைப் பதிவு செய்தனர். இதுகுறித்து திருச்சி, மதுரை, சென்னையில் இளைஞர்கள் சார்பில் கலந்தாய்வுக் கூட்டம் நடை பெற்றது.
புதுக்கோட்டை யில் உள்ள புதுக்குளத்தில் ‘மக்கள் பாதை’ அமைப்பின் சார்பில் பிளாஸ்டிக் கழிவுகளை அகற்றும் பணியில் ஈடுபட்ட இளைஞர்களை பாராட்டும் ஐஏஎஸ் அதிகாரி சகாயம்
அப்போது, “சமூகத்தினுடைய ஓர் அங்கம்தான் அரசியல். எனவே, அரசியலில் நேர்மையைக் கொண்டுவர எண்ணக்கூடியவர்கள் தொடங்க வேண்டிய இடம் சமூகம்தானே தவிர, அரசியல் அல்ல. எனவே, அரசியலைத் தாண்டி, இந்த சமூகத்தை நோக்கி நாம் செல்ல வேண்டும் என எண்ணுகிறேன்” என்று இளைஞர்களின் கேள்விக்கு சகாயம் பதிலளித்தார்.
இதைத்தொடர்ந்து பல்வேறு ஆலோசனைகளுக்குப் பின், ‘மக்கள் பாதை’ என்ற அமைப்பு தொடங்கப்பட்டது. இந்த அமைப்பு, தமிழகத்தில் 32 மாவட்டங்களிலும் சமூக ஆர்வலர்கள், இளைஞர்களைக்கொண்டு கட்டமைக்கப் பட்டு வருகிறது. இதன்மூலம் பல்வேறு மேம்பாட்டுப் பணிகளும் மேற்கொள்ளப்பட்டு வருகின்றன.
‘மக்கள் பாதை’ அமைப்பு குறித்து அமைப்பின் மாவட்ட துணை ஒருங்கிணைப்பாளர் எஸ்.ராமதாஸ் கூறியதாவது: ‘மக்கள் பாதை’யில் கல்வி, அரசியல், சமூகம் குறித்து மக்களிடையே விழிப்புணர்வை ஏற்படுத்துவதற்காக திண்ணை
என்ற ஓர் அம்சம் செயல்படுத் தப்படுகிறது. இதேபோல, விளையாட்டை மேம்படுத்த திடல், இயற்கை விவசாயத்தை மேம்படுத்த கலப்பை, நெசவுத் தொழிலையும் நெசவாளர்களையும் பாதுகாக்க தறி, அழிந்துவரும் பாரம்பரிய கலைகளை மீட்டெடுக்க கலைஎன்ற 5 அம்சங்கள் செயல்படுத்தப் படுகின்றன.மேலும், ‘மக்கள் மருந்தகம்’ எனும் குறைந்த விலையில் கிடைக்கக்கூடிய மருந்தகங்கள் திறக்கப்பட்டு வருகின்றன. ரத்த தானம்,
கண் தானம் உள்ளிட்ட விழிப்புணர்வுப் பணிகளும் மேற்கொள்ளப் படுகின்றன. இந்த அமைப்புக்கு, அவ்வப்போது ஐஏஎஸ் அதிகாரி சகாயம் ஆலோசனைகளை வழங்கி வருகிறார் என்றார்.
இதற்கிடையே, புதுக்கோட்டை யில் உள்ள புதுக்குளத்தில் ‘மக்கள் பாதை’ அமைப்பின் சார்பில் சுமார் 3 டன் பிளாஸ்டிக் கழிவுகள் அகற்றப்பட்டன. இப்பணியில் ஈடுபட்ட இளைஞர்களை ஐஏஎஸ் அதிகாரி சகாயம் கடந்த 7-ம் தேதி நேரில் சென்று பாராட்டினார். அப்போது அவர் பேசியதாவது:
‘மக்கள் பாதை’ அமைப்பானது அரசியலைத் தாண்டி, தமிழ் சமூகம் மேம்பாடு, தலைமுறை மேம்பாடு என்ற அடிப்படையில் பல்வேறு தளங்களில் மிகச் சிறந்த சமூகப் பணிகளை மேற்கொண்டு வருகிறது. சமூகத்தின் மேம்பாட் டுக்காக இளைஞர்கள் செயல்படும்போது, அரசு ஊழியராக நான் அவர்கள் அருகே இருப்பது அபாயமும் அல்ல, குற்றமும் அல்ல என்றார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.