கடந்த 28ம் தேதி இரவு சென்னை கிண்டியில் உள்ள ஐஐடி வளாகத்தில் மாட்டிறைச்சி திருவிழா நடத்தப்பட்ட புகைப்படம் மற்றும் வீடியோக்கள் சமூக வலைதளங்களில் வேகமாக பரவியது. இதற்கு பாஜகவின் தேசிய செயலாளர் ராஜா கடும் கண்டனம் தெரிவத்ததோடு மாட்டிறைச்சி திருவிழா நடத்திய மாணவர்கள் மீது நடவடிக்கை எடுக்க வேண்டும் என வலியுறுத்தினார்.
இந்நிலையில் நேற்று மதியம் ஐஐடி வளாகத்தில் மாட்டிறைச்சி திருவிழாவிற்கு ஏற்பாடு செய்த ஆராய்ச்சிப் படிப்பு பயின்று வரும் மாணவர் சூரஜை 7 மாணவர்கள் கடுமையாக தாக்கினர். இதில் வலது கண்ணில் பலத்த காயமடைந்த சூரஜ் தனியார் மருத்துவமனையில் சிகிச்சை பெற்று வருகிறார்.
விஜயன் வலியுறுத்தல்
சூரஜ் தாக்கப்பட்டது குறித்து அவரிடம் வாக்குமூலம் பெற்று போலீசார் அதன் அடிப்படையில் விசாரணை நடத்தி வருகின்றனர். இந்நிலையில் சூரஜ் தாக்கப்பட்டதற்கு கண்டனம் தெரிவித்துள்ள கேரள மாநில முதல்வர் பினராயி விஜயன் சூரஜை தாக்கியவர்கள் மீது கடும் நடவடிக்கை எடுக்க வேண்டும் என்று தமிழக அரசை வலியுறுத்தியுள்ளார்.
பதில் டுவீட்
கேரள முதல்வரின் கண்டனம் குறித்து தனது டுவிட்டர் பக்கத்தில் பாஜக தேசிய செயலாளர் எச்.ராஜா பதில் டுவீட் செய்துள்ளார். அதில் சூரஜை தாக்கியது இடசாரி குண்டர்களே என்று கூறியுள்ளார்.
இடதுசாரிகளே காரணம்
மற்றொரு டுவீட்டில் இடதுசாரி குண்டர்களே தாக்கிருக்கும் போது முதல்வர் பினராயி விஜயன் கண்டனம் தெரிவிப்பது ஒரு சார்பாக உள்ளது என்று ராஜா குற்றஞ்சாட்டியுள்ளார். மாணவர் சூரஜ் மீதான தாக்குதலுக்கு கண்டனம் தெரிவிப்பதோடு இதில் தொடர்புடையவர்கள் மீது போலீசார் நடவடிக்கை எடுக்க வேண்டும் என்றும் அவர் வலியுறுத்தியுள்ளார்
சட்டம் என்ன சொல்கிறது
மேலும் இறைச்சிக்காக மாடுகள் சட்டவிரோதமாக விற்பனை செய்யப்படுவதே தடை செய்யப்பட்டுள்ளதாக அவர் டுவிட்டரில் தெரிவித்துள்ளார். காட்சிப்படுத்தப்படும் விலங்குகள் பட்டியலில் உள்ள விலங்குகளை அங்கீகரிக்கப்பட்ட இறைச்சிக் கூடங்களுக்கு விற்பதற்கு எந்தத் தடையும் இல்லை என்றே சட்டம் சொல்வதாகவும் ராஜா விளக்கமளித்துள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.