பிரதமர் மோடியின் அறிவிப்பை அடுத்த தமிழக முதல்வர் எடப்பாடி பழனிச்சாமி தன் காரில் இருந்த சைரனை தானே நீக்கியுள்ளது பெரும் பரபரப்பை ஏற்படுத்தியுள்ளது.
ஆம்புலன்ஸ் உள்ளிட்ட அவசர உதவி வாகனங்களுக்கு வழிவிடும் வகையில், விஐபிக்களின் கார்களுக்கு சாலையில் வழங்கப்படும் முக்கியத்துவத்தை குறைக்க, பிரதமர் மோடி திட்டமிட்டுள்ளார்.
பிரதமர், ஜனாதிபதி, உச்சநீதிமன்றம் மற்றும் உயர்நீதிமன்ற நீதிபதிகள் ஆகியோரை தவிர மற்றவர்கள் சிவப்பு சுழல் விளக்குகளை பயன்படுத்த மத்திய அரசு தடை விதித்துள்ளது. இந்த உத்தரவு நாட்டில் மே 1ம் தேதி முதல் நடைமுறைக்கு வருகிறது.
பிரதமர், மாநில முதலமைச்சர்கள், மத்திய - மாநில அமைச்சர்கள் என பலரும் தங்களது கார்களில் சிவப்பு சைரன் விளக்குகளை பயன்படுத்துகின்றனர். இதனை வைத்து, போக்குவரத்து போலீசார், அவர்களுக்கு முக்கியத்துவம் வழங்க, இதர வாகனங்களை நிறுத்தி வைக்கின்றனர்.
பிரதமர் மோடியின் கோரிக்கையை ஏற்று, தமிழக முதல்வர் எடப்பாடி பழனிச்சாமி தன் காரின் சைரனை இன்று தானே அகற்றினார், மேலும் அமைச்சர்கள் தங்களது காரில் உள்ள சைரன்களை நீக்க வேண்டும் என்றும் கேட்டுக்கொண்டார்.
தமிழகத்தில் கடந்த சில மாதங்களாகவே அசாத்திய அரசியல் சூழல் நிலவி வருகிறது. நாளொரு மேனியும் பொழுதொரு வண்ணமுமாக அரசியல் காட்சிகள் மாறி வருகின்றன.
தமிழக அரசு முடங்கிவிட்டதாக ஆளுங்கட்சியின் மீது எதிர்கட்சிகள் கடுமையான குற்றச்சாட்டை கூறி வருகின்றனர். இந்த பரபரப்பான அரசியல் மாற்றங்களுக்கு நடுவே முதல்வர் பழனிச்சாமி தனது காரில் இருந்து சைரனை தாமே நீக்கியுள்ளது ஆச்சியப்பட வைக்கிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.