புதுக்கோட்டையில் பொறியியல் பட்டயப்படிப்பு படித்து வந்த மாணவர் தமிழ்மணி (19) . இவர் வெள்ளிக்கிழமை (ஏப்.14) சாலை விபத்தில் சிக்கி தலையில் பலத்த காயங்களுடன் மதுரை மீனாட்சி மிஷன் மருத்துவமனையில் அனுமதிக்கப்பட்டார். சிகிச்சை பயனளிக்காமல் செவ்வாய்க்கிழமை (ஏப்.18) அவர் மூளைச்சாவு அடைந்ததை மருத்துவர்கள் உறுதி செய்தனர்.
இதையடுத்து, அவரது உடல் உறுப்புகளைத் தானம் செய்வதற்கு உறவினர்கள் முன்வந்தனர். அதைத்தொடர்ந்து அவரது கண்கள், இதயம், கல்லீரல், சிறுநீரகம் ஆகிய 4 உறுப்புகள் தானம் பெறப்பட்டன.
இதில் இதயம், சென்னையில் உள்ள ஒரு தனியார் மருத்துவமனையில் சிகிச்சை பெறும் நோயாளிக்கு வழங்கத் தீர்மானிக்கப்பட்டது. அதன்படி, தானம் பெறப்பட்ட இதயம் மதுரையில் இருந்து விமானம் மூலம் சென்னைக்கு கொண்டு வரப்பட்டது. சென்னை விமான நிலையத்தில் இருந்து மதியம் 2.30 மணிக்கு ஆம்புலன்ஸ் மூலம் புறப்பட்டு 11 நிமிடங்களில் அடையாறில் உள்ள தனியார் மருத்துவமனைக்கு கொண்டு செல்லப்பட்டது. அங்கு இதய செயலிழப்பால் சிகிச்சை பெற்று வந்த 23 வயது ஆணுக்கு அந்த இதயம் பொருத்தப்பட்டது. தானம் பெறப்பட்ட தமிழ்மணியின் கல்லீரலும், ஒரு சிறுநீரகமும் மதுரையில் அதே மருத்துவமனையில் சிகிச்சை பெற்ற நோயாளிகளுக்குப் பொருத்தப்பட்டது. கண்கள் அரவிந்த் கண் மருத்துவமனைக்கும், மற்றொரு சிறுநீரகம், திருச்சியில் உள்ள தனியார் மருத்துவமனைக்கு தானம் வழங்கப்பட்டது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.