சென்னை : அதிமுகவினர் மாறி மாறி சண்டை போட்டுக்கொள்வதை நிறுத்திவிட்டு மானிய கோரிக்கை மீதான விவாதம் நடத்த சட்டசபையை உடனடியாக கூட்ட வேண்டும் என்று எதிர்க்கட்சித் தலைவர் மு.க.ஸ்டாலின் வலியுறுத்தியுள்ளார்.
2017 -18ம் நிதியாண்டிற்கான பட்ஜெட் கூட்டம் முழுவதும் முடியாமல் ஆர்.கே.நகர் இடைத்தேர்தலுக்குப் பின்னர் நடத்தப்படும் என்று அறிவிக்கப்பட்டது. ஆர்.கே.நகர் இடைத்தேர்தல் ரத்து செய்யப்பட்ட நிலையில் பட்ஜெட் கூட்டத்தை உடனடியாக கூட்ட வேண்டும் என்று திமுக செயல்தலைவரும், எதிர்க்கட்சித் தலைவருமான மு.க.ஸ்டாலின் சபாநாயகர் தனபாலிடம் இன்று மனு அளித்தார்.
இதனையடுத்து செய்தியாளர்களிடம் ஸ்டாலின் கூறியதாவது:
மானிய கோரிக்கையில் விடுபட்ட துறைகள் குறித்து விவாதிக்க உடனடியாக சட்டசபையைக் கூட்ட வேண்டும். இதற்கு முதலமைச்சரின் அனுமதியை கேட்டு பதில் அளிப்பதாக சபாநாயகர் தெரிவித்தார்.
முதலமைச்சரையும் நேரில் சந்தித்து மனு அளிக்க காத்திருந்தோம். ஆனால் அரை மணி நேரம் காத்திருந்தும் அவரை சந்திக்க முடியவில்லை, இந்த நிலையில் தான் தமிழக அரசு இன்று உள்ளது.
இதுவரை ஒரு அணியாக இருந்து கொள்ளையடித்தோர் இன்று ஃபெரா கும்பல், மாஃபியா கும்பல் என தனித்தனியாக பிரிந்து கொள்ளையடிக்கின்றனர். மக்கள் பிரச்னைகள் பற்றி இவர்களுக்கு எந்தக் கவலையும் இல்லை. தமிழக அரசு தற்போது கோமா நிலையில் உள்ளது.
இவ்வாறு ஸ்டாலின் கூறினார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.