மாஜி தலைமைச் செயலாளர் ராமமோகன ராவின் முன்னாள் கார் ஓட்டுநர் தாம்பரம் அருகே விபத்தில் சிக்கி உயிரிழந்துள்ள சம்பவம் பரபரப்பை ஏற்படுத்தியுள்ளது.
தமிழக முன்னாள் தலைமை செயலாளராக இருந்த ராமமோகன ராவிற்கு டிரைவராக இருந்தவர் ரவிச்சந்திரன். இவர் தாம்பரம் அருகே இன்று காலை இரு சக்கர வாகனத்தில் சென்று கொண்டிருந்தார்.
அப்போது அவ்வழியாக வந்த தனியார் பேருந்து ரவிசந்திரனின் பைக் மீது மோதியது. இதில் தூக்கி வீசப்பட்ட ரவிச்சந்திரன் சம்பவ இடத்திலேயே உயிரிழந்துவிட்டார். இது குறித்து போலீசார் விசாரணை நடத்தி வருகின்றனர்.
ராமமோகன ராவின் வீட்டில் சோதனை
மணல் மாபியா சேகர் ரெட்டி கைது செய்யப்பட்டு விசாரணை நடத்தியதில் தலைமை செயலாளராக இருந்த ராமமோகன ராவின் பெயரை கூறினார். இதைத் தொடர்ந்து கடந்த டிசம்பர் மாதம் , ஜெயலலிதா மறைந்த பிறகு, அண்ணா நகரில் உள்ள மோகனராவின் வீட்டில் வருமான வரித்துறை சோதனை நடைபெற்றது. அவரது மகன், சம்பந்தி என அனைவரது வீட்டிலும் சோதனை நடைபெற்றது. முடிவில் பணமும், முக்கிய ஆவணங்களும் கைப்பற்றப்பட்டு அவர் பதவி பறிக்கப்பட்டது
ராம மோகன்ராவ் தற்போது மீண்டும் பணியமர்த்தப்பட்டுள்ளார். இந்த சூழ்நிலையில் அவரது முன்னாள் கார் டிரைவர் இன்று விபத்தில் சிக்கி உயிரிழந்துள்ளார். இது விபத்தா? அல்லது கொலையா என்ற சந்தேகத்தை கிளப்பியுள்ளது.
கொடநாடு கொலை
ஜெயலலிதாவுக்குச் சொந்தமான கொடநாடு எஸ்டேட் காவலாளி ஓம்பகதூர் கடந்த 24-ஆம் தேதி கொல்லப்பட்டார். மற்றொருவர் காயமடைந்து கோவை மருத்துவமனையில் அனுமதிக்கப்பட்டுள்ளார். இந்நிலையில் டிஎஸ்பி பாஸ்கரன் தலைமையில் அமைக்கப்பட்ட 5 தனிப்படை போலீஸார் குற்றவாளிகளை தேடும் முயற்சியில் ஈடுபட்டு வருகின்றனர். அதில் முதல் கட்டமாக 4 பேரை கைது செய்தனர்.
கனகராஜ் மரணம்
கொடநாடு எஸ்டேட் காவலாளி கொலை மற்றும் கொள்ளை வழக்கில் முக்கிய குற்றவாளிகளாக ஜெயலலிதாவின் முன்னாள் கார்ஓட்டுநர் கனகராஜ், சாயன் ஆகியோர் கருதப்பட்டனர். இதனால் தனிப்படை போலீஸார் அவர்கள் இருவரையும் தேடி வந்தனர். இந்நிலையில் சேலம் அருகே நடந்த விபத்தில் கனகராஜ் சிக்கி உயிரிழந்துவிட்டார்.
மனைவி, மகன் பலி
மற்றொருவராரன சாயன், பாலக்காடு அருகே காரில் மனைவி, குழந்தையுடன் தப்பபி செல்ல முயன்ற போது டாங்கர் லாரி மோதி மனைவி, குழந்தை உயிரிழந்துவிட்டனர். ஆபத்தான நிலையில் மீட்கப்பட்ட சாயன் கோவை மருத்துவமனையில் அனுமதிக்கப்பட்டுள்ளார். ஏதோ மர்மம் இருப்பதாலும், உண்மை வெளிவருவதை தடுப்பதற்காகவும் இந்த இரு சம்பவங்கள் நிகழ்ந்ததாக எதிர்க்கட்சிகள் கூறிவருகின்றனர்.
ஜெயலலிதாவின் முன்னாள் கார் ஓட்டுநர் இறந்த பரபரப்பு அடங்குவதற்குள் முன்னாள் தலைமை செயலர் ராமமோகன் ராவின் மாஜி கார் ஓட்டுநர் விபத்தில் சிக்கி பலியாகி உள்ளார். முக்கிய பிரமுகர்களின் கார் ஓட்டுநர்கள் ஒன்றன் பின் ஒன்றாக உயிரிழந்து வரும் சம்பவம் மற்ற அரசியல்வாதிகளின் கார் ஓட்டுநர்கள் மத்தியில் திகிலடைய செய்துள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.