இரு அணிகளும் ஒன்று சேர்வதற்கு நிபந்தனையற்ற ஆதரவு அளிப்பதாக ஓபிஎஸ் கூறியதை அடுத்து சசிகலா அணியில் உள்ள அமைச்சர்கள் அனைவரும் நேற்று இரவு கிரீன்வேஸ் சாலையில் உள்ள மின்துறை அமைச்சர் தங்கமணியின் வீட்டில் திடீரென ஆலோசனை நடத்தினர்.
இதனால் நேற்று இரவு ஊடகங்கள் பரபரப்பாக காணப்பட்டது. ஆலோசனைக்கு பின்னர் அமைச்சர்கள் கூட்டாக ஊடகத்தினர் சந்தித்தனர். அதில் அதிமுக இரு அணிகள் இணைவது குறித்து ஓபிஎஸ் கூறிய கருத்து வரவேற்கத்தக்கது என அமைச்சர்கள் கூறினர்.
இரட்டை இலை சின்னத்தை மீட்பது குறித்தும், கட்சி இணைவது குறித்தும் ஆலோசனை நடத்தியதாக அமைச்சர்கள் தெரிவித்தனர். அப்போது செய்தியாளர்கள், ஓபிஎஸ் ஜெயலலிதாவின் மரணம் குறித்து விசாரணை நடத்துவதாக நிபந்தனை விதித்தாரே, இரு அணிகளும் ஒன்று சேர்ந்தால் ஜெயலலிதாவின் மரணம் குறித்து விசாரணை நடத்தப்படுமா என அமைச்சரகள் கேள்வி எழுப்பினர்.
அதற்கு பதில் அளிக்காத அமைச்சர் ஜெயக்குமார் ஓபிஎஸ் அப்படி நிபந்தனை விதிக்கவில்லை. உங்களிடமா கூறினார் என செய்தியாளர்களை நோக்கி கேட்டார். அதற்கு எதிர்ப்பு தெரிவித்த செய்தியாளர்கள் ஓபிஎஸ் பல்வேறு முறை ஊடகங்களில் ஜெயலலிதா மரணத்திற்கு நீதி விசாரணை வேண்டும் என கேட்டதை குறிப்பிட்டு காட்டினர்.
இதனையடுத்து பதில் அளித்த அமைச்சர் வேலுமணி ஜெயலலிதாவின் மரணம் குறித்த விசாரணைக்கு பதில் அளிக்காமல் கட்சி இணைவது குறித்து பேசிவிட்டு அங்கிருந்து கிளம்பினார். இதனையடுத்து மற்ற அமைச்சர்களும் ஜெயலலிதாவின் மரணம் குறித்த விசாரணைக்கு பதில் அளிக்காமல் அங்கிருந்து கிளம்பிவிட்டனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.