உலக நாடுகள் மனிதாபிமான விடயம் சார்ந்த நெருக்கடிக்கு முகங்கொடுத்து வருவதாகவும் 1945 ஆம் ஆண்டிற்கு பிறகு ஏற்பட்டுள்ள மிகப் பெரிய நெருக்கடி இதுவே ஆகும் எனவும் ஐக்கிய நாடுகளின் மனிதாபிமான விடயங்களை கையாளும் தலைவர் ஸ்டெஃபன் ஓ பிரியன் (Stephen O’Brien) தெரிவித்துள்ளார்.
ஐக்கிய நாடுகள் பாதுகாப்பு சபையில் நேற்று (வெள்ளிக்கிழமை) நடைபெற்ற கூட்டத்தின் போது கலந்துகொண்டு உரையாற்றுகையிலேயே அவர் மேற்குறித்தவாறு குறிப்பிட்டுள்ளார்.
இது தொடர்பில் கருத்து தெரிவித்த அவர், “தற்போது 20 மில்லியனுக்கும் அதிகமான மக்கள் மனிதாபிமான நெருக்கடிக்கு முகங்கொடுத்து வருகின்றனர். யேமன், சோமாலியா, தென் சூடான் மற்றும் நைஜீரியாவைச் சேர்ந்த மக்களே இதனால் பெரிதும் பாதிக்கப்பட்டுள்ளனர். அவர்கள் கடும் பட்டினிக் கொடுமையால் அவதியுற்றுள்ளனர்” என தெரிவித்தார்.
இந்த கடும் பட்டினியால் உயிரிழப்போர் தொடர்பில் ஏற்கனவே கருத்து தெரிவித்திருந்த Unicef அமைப்பு, இவ்வருடத்திற்குள் சுமார் 1.4 மில்லியன் சிறுவர்கள் மற்றும் குழந்தைகள் ஆகியோர் உயிரிழக்கலாம் என அறிவித்திருந்தது.
இந்நிலையில், குறித்த பிரச்சினைக்கு தீர்வு காண எதிர்வரும் ஜூலை மாதத்திற்குள் சுமார் 4.4 பில்லியன் அமெரிக்க டொலர்கள் தேவை என ஸ்டெபன் தெரிவித்துள்ளார்
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.