ஆர்.கே.நகர் தொகுதி இடைத்தேர்தல் நடப்பதையொட்டி, சென்னை போலீஸ் கமிஷனர் ஜார்ஜை மாற்ற வேண்டும் என்று திமுக சார்பில் தலைமை தேர்தல் ஆணையர் நஜிம்ஜைதிக்கு மனு அனுப்பப்பட்டுள்ளது.
இது தொடர்பாக திமுக அமைப்பு செயலாளர் ஆர்.எஸ். பாரதி அனுப்பியுள்ள புகார் மனுவில், ஆர்.கே. நகர் தொகுதிக்கான தேர்தல் ஏப்ரல் 12ம் தேதி நடைபெறும் என்று அறிவிக்கப்பட்டுள்ளது. இதனால் அத்தொகுதியில் தேர்தல் நடைமுறைகளும் அமலுக்கு வந்துள்ளன. சுதந்திரமாகவும், நேர்மையாகவும் தேர்தலை நடத்த வேண்டியது தேர்தல் ஆணையத்தின் கடமையாகும்.
சென்னை மாநகர போலீஸ் கமிஷனராக இருக்கும் ஜார்ஜ் அதிமுகவிற்கு ஆதரவாக, ஒருதலை பட்சமாக செயல்படக் கூடியவர். அதிமுக ஆட்சியில் கடந்த 2012-ம் ஆண்டு முதல் 2015-ம் ஆண்டுவரை தொடர்ந்து போலீஸ் கமிஷனராக இருந்துள்ளார். இடையில் சிறை துறைக்கு மாற்றப்பட்ட அவர் 2016-ம் ஆண்டு முதல் தொடர்ந்து சென்னை மாநகர போலீஸ் கமிஷனராக இருக்கிறார். இவரது பொறுப்பு காலத்தில் சென்னையில் பல்வேறு சட்டம் - ஒழுங்கு பிரச்சினைகள் ஏற்பட்டுள்ளன.
ஆர்.கே.நகர் தொகுதி பதட்டமான தொகுதி எனபதை நீங்கள் அறிவீர்கள். எனவே, தேர்தல் முடிந்து முடிவுகள் அறிவிக்கப்படும் வரை சென்னை போலீஸ் கமிஷனர் ஜார்ஜை இட மாற்றம் செய்ய வேண்டும் என்று கோரப்பட்டிருந்தது. இந்த மனுவின் நகல்கள் தமிழக தலைமை தேர்தல் அதிகாரி ராஜேஷ் லக்கானி, தமிழக அரசின் தலைமை செயலாளர் கிரிஜா வைத்தியநாதன் ஆகியோருக்கும் அனுப்பப்பட்டுள்ளன.
இந்நிலையில் கமிஷனர் ஜார்ஜ் விரைவில் மாற்றப்படுவார் என்ற தகவல் போலீஸ் வட்டாரங்களில் இருந்து வெளியாகியுள்ளன.
சென்னையில் ஜல்லிகட்டு தடைக்கு எதிராக மாணவர்கள் நடத்திய அறப்போராட்டம் முடிவில் பெரும் வன்முறை வெடித்தது. அப்போது, சாதாரண பொதுமக்கள் மீது தடியடி நடத்த உத்தரவிட்டார்தான் இந்த ஜார்ஜ் என்பது குறிப்பிடத்தக்கது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.