இலங்கை சிங்கள வெறிப்படை மீண்டும் தனது ரத்த வெறியாட்டத்தை ஆரம்பித்துள்ளது. கடற்பகுதியில் தாக்குதல் நடத்தி படகுகளை பறித்து சென்ற இலங்கை கடற்படையினர், இப்போது இந்திய கடல் எல்லைக்குள்ளேயே புகுந்து ஒரு மீனவரின் உயிரைப் பறித்துள்ளனர்.
இலங்கை கடற்படையினர் சில தினங்களாக தமிழக மீனவர்களை கைது செய்து வருகின்றனர். இலங்கை சிறையிலும் அடைத்து வருகின்றனர். இதற்கு எதிர்ப்பு தெரிவித்து கச்சத்தீவில் விழா நடைபெற உள்ள நிலையில் விழாவை புறக்கணிப்போம் என்றும் மீனவர்கள் யாரும் செல்லக்கூடாது என்றும் ராமேஸ்வரம் கேட்டுக்கொண்டனர். பாம்பன் விசைப்படகு மீனவர்களும் வேலை நிறுத்தப்போராட்டத்தில் ஈடுபட்டுள்ளனர்.
இந்தநிலையில் நேற்றிரவு இந்திய எல்லைப்பகுதியில் இலங்கை கடற்படை நடத்திய துப்பாக்கிச்சூட்டில் தங்கச்சிமடத்தைச் சேர்ந்த பிரிட்சோ,22 என்ற மீனவர் உயிரிழந்தார். ஒரு மீனவர் பலத்த காயமடைந்தார். இதனால் ராமேஸ்வரம் மீனவர்கள் மிகுந்த கொந்தளிப்புக்கு ஆளாகியுள்ளனர்.
செய்தியாளர்களிடம் பேசிய விசைப்படகு மீனவர்கள் சங்க தலைவர் ஜேசுராஜ், மீனவர் பிரச்னைக்கு இந்திய அரசு நிரந்தர தீர்வை காண வேண்டும் என்று வலியுறுத்தினார். இந்திய அரசு மௌனம் சாதிக்காமல் மீனவர்களுக்கு பாதுகாப்பு வழங்க வேண்டும் என்றும் கேட்டுக் கொண்டார்.
விலங்குகளைக் கொன்றால் கூட அவர்களைப் பிடித்து சிறையில் போடுகின்றனர். ஆனால் மனிதர்களை குறிப்பாக மீனவர்களைக் கொன்றால் கண்டுகொள்வதில்லை என்றும் குற்றம்சாட்டினார். தாக்குதல் நடத்தப்பட்ட இடத்தில் இந்திய கடற்படை ரோந்து பணியில் ஈடுபடவில்லை என்று குறிப்பிட்டார். கடல்பகுதியில் எங்களுக்கு பாதுகாப்பற்ற நிலையே நிலவுவதாகவும் அவர் தெரிவித்துள்ளார்.
கடந்த 2011ஆம் ஆண்டு இலங்கை கடற்படை துப்பாக்கிச்சூட்டால் காரைக்கால் மீனவர் ஒருவர் உயிரிழந்தார். இதுவரை 500 பேர் உயிரிழந்துள்ளனர். 2000ஆயிரத்திற்கும் மேற்பட்டவர்கள் காயமடைந்துள்ளனர். எராளமான மீனவர்கள் மாயமாகியுள்ளனர். தமிழக மீனவர்கள் மீது இலங்கையின் ரத்த வெறி தொடர்ந்து வருகிறது. அதன் தொடர்ச்சியா ராமேஸ்வரம் மீனவர் சுடப்பட்டுள்ளார் என்றும் மீனவர்கள் சங்க தலைவர் ஜேசுராஜ் கொந்தளிப்புடன் கூறியுள்ளார். எங்களின் உயிருக்கு பாதுகாப்பும், நிரந்தர தீர்வும் வேண்டும் என்பதே மீனவர்களின் வலியுறுத்தல்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.