நடப்பு நிதியாண்டிற்கான பட்ஜெட் உரை தமிழக சட்டசபையில் இன்று தாக்கல் செய்யப்படுகிறது. எனவே, இதுபற்றி விவாதிப்பதற்காக, சென்னை ராயபேட்டையில் உள்ள அதிமுக தலைமை செயலகத்தில் நேற்று எம்.எல்.ஏக்கள் கூட்டத்திற்கு ஏற்பாடு செய்யப்பட்டது.
அதில் முதல்வர் எடப்பாடி பழனிச்சாமி, தினகரன் உட்பட பலரும் கலந்து கொண்டனர். இந்த கூட்டம் மாலை 6.30 மணிக்கு தொடங்கி 7.35 மணி வரை சுமார் ஒரு மணி நேரம் நடந்தது. இதில், எடப்பாடிக்கு ஆதரவளித்த 122 எம்.எல்.ஏக்களுக்கு அழைப்பு விடுக்கப்பட்டிருந்தது. ஆனால், பெருந்துறை அதிமுக எம்.எல்.ஏ தோப்பு வெங்கடாசலம் மற்றும் அதிமுக கூட்டணி எம்.எல்.ஏக்களான தனியரசு, தமிமுன் அன்சாரி, கருணாஸ் ஆகிய நான்கு பேரும் இந்த கூட்டத்தில் கலந்து கொள்ளவில்லை.
இந்த விவகரம் தினகரன் தரப்பிற்கு அதிர்ச்சியை ஏற்படுத்தியுள்ளது. இதில் சிலருக்கு அழைப்பிதழ் அனுப்பப்படவில்லை எனவும் கூறப்படுகிறது. இதற்கு முன்பு நடந்த கூட்டங்களில் பங்கேற்ற அவர்கள், இந்த கூட்டத்தில் பங்கேற்காதது சந்தேகத்தை ஏற்படுத்தியுள்ளது.
இன்னும் 5 எம்.எல்.ஏக்கள் எடப்பாடி பழனிச்சாமிக்கான ஆதரவை விலக்கிக் கொண்டாலே ஆட்சி கலைந்து விடும் சூழ்நிலையில், 4 எம்.எல்.ஏக்கள் இந்த கூட்டத்தில் கலந்து கொள்ளாதது அதிமுக வட்டாரத்தில் பரபரப்பை ஏற்படுத்தியுள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.