ஜெயலலிதா நினைவிடத்தில் முதல்வர் ஓ.பன்னீர் செல்வம் நாற்பது நிமிட தியானம் இருந்தது தமிழக அரசியல் களத்தையே கிடுகிடுக்க வைத்துள்ளது. சசிகலாவிற்கு எதிராக அவர் வைத்து வரும் அடுக்கடுக்கான குற்றச்சாட்டுக்கள் அதிர்ச்சி அலைகளை உருவாக்கியுள்ளது.
கூட்டம் முடிந்த கையோடு சொகுசு பேருந்தில் எம்எல்ஏக்களை அழைத்து சென்று கிழக்குக் கடற்கரை சாலையில் உள்ள ரிசார்ட்ஸ் ஒன்றில் சிறை வைக்க கொண்டு சென்றனர். அப்படியும் சிலர் போகிற வழியிலேயே தப்பி ஓ.பன்னீர் செல்வத்தை சந்தித்து ஆதரவு கூறியுள்ளனர்.
சொகுசு பேருந்தில் போன எம்எல்ஏக்கள் அனைவரும் கிழக்குக் கடற்கரை சாலையில் கூவாத்தூர் கோல்டன் பே ரிசார்ட்ஸ்சில் தங்க வைக்கப்பட்டுள்ளனர். இந்த ரிசார்ட்ஸ் உள்ள பகுதியே தீவு போல காணப்படுகிறது. கடலுக்குள் ரம்மியமாக காணப்படும் இந்த ரிசார்ட்ஸ்சில் 3 விதமான அறைகள் உள்ளன.
மூன்று வித ரூம்கள்
500 சதுர அடிகள் கொண்ட பே வியூ ரூம், 500 சதுர அடிகள் கொண்ட டிரான்க்யுல் ரூம், 650 சதுரஅடிகள் கொண்ட பாரடைஸ் சூட் ரூம்கள் உள்ளன. அனைத்து விதமான வசதிகளும் காணப்படுகின்றன. படகில் போகலாம், பொழுது போக்கு அம்சங்கள் பல உள்ளன.
என்னென்ன வசதிகள்
மசாஜ் சென்டர், டிரக்கிங், ஜிம் போன்ற அனைத்து சிறப்பம்சங்களும் கொண்டதாக இருக்கிறது கோல்டன் பே ரிசார்ட்ஸ். இத்தனை அம்சங்களும் கொண்ட இந்த ரிசார்ட்ஸ் ரூம்களில் ஒரு நாள் வாடகை பல ரகங்களில் உள்ளன.
கடலுக்கு ரம்மியமாக பல வசதிகளுடன் உள்ள இந்த ரிசார்ட்ஸ்சில் பணக்காரர்களும், சுற்றுலா வரும் வெளிநாட்டினரும் அதிகளவில் வந்து தங்கி செல்கின்றனர்.
டிரான்க்யுல் ரூம் ஒருநாள் வாடகை ரூ.5500, பே வியூ ரூம்கள் ஒருநாள் வாடகை ரூ.6.600, முதல்தரமான பாரடைஸ் சூட் ரூம் ஒரு நாள் வாடகை ரூ.9900. நம் எம்எல்ஏக்கள் பாரடைஸ் சூட் ரூமில்தான் தங்க வைக்கப்பட்டுள்ளனர். எம்எல்ஏக்கள் கொடுத்து வைத்தவர்கள்தான்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.