சமீபத்தில், இணைய வர்த்தகத்தில் முன்னணி நிறுவனமாக திகழும் அமேசான், இந்திய தேசியக் கொடி பதித்த கால் மிதி ஒன்றை கனடா நாட்டின் இணையதளத்தில் வெளியிட்டது.
இதற்கு இந்திய வெளியுறவுத்துறை அமைச்சர் சுஷ்மா சுவராஜ் கடும் கண்டனம் தெரிவித்தார். இதனையடுத்து, இந்திய தேசியக் கொடி டிசைன் கொண்ட கால்மிதியை இணையத்தில் இருந்து நீக்கப்பட்டது. இதனையடுத்து, காந்தியின் முகம் பொறித்த செருப்புகளை விற்பனைக்கு வைத்தது. இந்தியர்களின் உணர்வுகளை அவமானப்படுத்தும் இந்த செயலுக்கு பலவகையிலும் கடும் கண்டனங்கள் எழுந்தன.
இந்த நிலையில், அமெரிக்காவை சேர்ந்த யெஸ்விவைப் என்ற ஆன்லைன் நிறுவனம் ஷூவில் ஓம் படமும், லாஸ்ட்காஸ்ட் என்ற நிறுவனத்தின் பீர் பாட்டிலில் பிள்ளையார் படமும் பொறிக்கப்பட்டு விற்பனைக்கு வந்தது. இது இந்து மதத்தினரை அவமானப்படுத்தும் வகையில் உள்ளது என்று கூறி அந்நிறுவனத்திற்கு இந்தியர்கள் கடும் கண்டனம் தெரிவித்துள்ளனர்.
இது குறித்து , டெல்லியை சேர்ந்த சமூக ஆர்வலரும், சாரணர் இயக்க கமிஷனருமான நரேஷ் கதியான், விஹார் பகுதி காவல்நிலையத்தில் அந்நிறுவனங்கள் மீது புகார் அளித்துள்ளார்.
இதனைதொடர்ந்து, அமெரிக்கா நிறுவனங்கள் மீது, தீய செயல்களுக்கு தூண்டுவது, மத நம்பிக்கைகளை அவமதிப்பது போன்ற பிரிவுகளின் கீழ் வழக்கு பதிவு செய்யப்பட்டுள்ளது. அந்த நிறுவனங்கள் மீது சட்டப்படி நடவடிக்கை எடுக்கப்படும் என்று தெரிவிக்கப்பட்டுள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.