ஆனால், இவற்றுள் ஒவ்வொன்றிலும் ஒவ்வொரு பக்கவிளைவுகள் இருக்கின்றன. அனைத்து கருத்தடை வழிமுறைகளையும் அனைவரும் பின்பற்ற முடியாது. இதற்கு மாற்றாக இப்போது ஆண்களுக்கான கருத்தடை வழியாக ஆராய்ச்சியாளர்கள் புதிதாக ஜெல் ஒன்றை கண்டுபிடித்துள்ளனர்...
வேஸ்ஜெல் (Vasagel) என்பது நச்சுத்தன்மை அற்ற, ஹார்மோனல் அற்ற (Non-Hormonal) ஜெல் ஆகும். இதை விதையில் இருந்து ஆணுக்குறி இடையே விந்து பயணிக்கும் குழாயில் இன்ஜெக்ட் செய்வார்கள். இதனால் விந்து வெளிப்படுதல் தவிர்க்கப்படும்.
இந்த ஜெல்லை ஏற்கனவே முயல்களை வைத்து பரிசோதனை செய்யப்பட்டுள்ளது. இந்த ஜெல்லை எளிதாக கரைத்துவிட முடியும் என்றும் ஆராய்ச்சியாளர்கள் கூறியுள்ளனர்.
பேசிக்ஸ் அன்ட் கிளினிகல் அன்றோலாஜி எனும் ஆய்வு பத்திரிகையில் இந்த ஆய்வு குறித்து தகவல்கள் வெளியாகியுள்ளன. இந்த ஆய்வு ஏற்கனவே ரீசஸ் எனும் குரங்கு வகை மத்தியில் ஆய்வு செய்யப்பட்டுள்ளது. ஆறு மாதங்கள் இனப்பெருக்க காலத்தில் ஆய்வுக்குட்படுத்தி கருவுறுதல் ஆகவில்லை என்பதை அறிந்துள்ளனர்.
ஆண்களுக்கு இதுவரை குடும்பக்கட்டுபாடு சிகிச்சை மற்றும் ஆணுறை மட்டுமே கருவுறுதலை தடுக்க உதவும் வழிகளாக இருக்கின்றன. மேலும் இந்த வேஸ்ஜெல் முறை தேவையற்ற கருவுறுதலை நூறு சதவீதம் தடுக்க உதவுகிறது என்றும் ஆராய்ச்சியாளர்கள் நம்பிக்கை அளித்துள்ளனர்.
சில ஆராய்ச்சியாளர்கள் இது பின்னாட்களில் ஆண்களிடம் ஆண்மை குறைபாடு ஏற்பட காரணமாகிவிடுமோ என்ற அச்சம் தெரிவித்துள்ளனர்.
விந்து வெளிவருவதை தடுப்பதால் எந்த மாதிரியான பக்கவிளைவுகள் ஏற்படும் என்பதையும் அறிய வேண்டும். இதனால் ஹார்மோன் சமநிலையின்மை ஏற்படும் வாய்ப்புகள் உள்ளதா என்பதையும் அறிய வேண்டும்.
இந்த ஆய்வுக்கு ஃபண்டிங் செய்த பர்செமுஸ் ஃபவுண்டேஷன் எனும் அரசு சாரா நிறுவனம் கூடிய விரைவில் இது சந்தைக்கு வரும் என தெரிவித்துள்ளனர்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.