கடந்த ஆண்டு நவம்பர் 9ஆம் தேதி முதல் பழைய 500, 1000 ரூபாய் நோட்டுகள் செல்லாது என்று அறிவிக்கப்பட்டது. அவற்றை மாற்றிக்கொள்ளவதற்கான காலக்கெடு மார்ச் 31ஆம் தேதியுடன் முடிகிறது.
இந்நிலையில், வெளிநாடு வாழ் இந்தியர்கள் தங்களிடமுள்ள பழைய ரூபாய் நோட்டுகளை மாற்றிக்கொள்ள ரிசர்வ் வங்கி வழிமுறைகளை அறிவித்துள்ளது. ரிசர்வ் வங்கி அலுவலங்களில் திங்கள் முதல் வெள்ளி வரை காலை 10 மணி முதல் 2.30 மணி வரை பழைய நோட்டுகளை மாற்றிக்கொள்ளலாம்.
பழைய நோட்டுகளை மாற்றும் போது சமர்ப்பிக்க வேண்டிய ஆவண நகல்கள்: பாஸ்போர்ட் நகல், அடையாளச் சான்று (உ.ம். ஆதார் அட்டை), பான் அட்டை நகர், நவம்பர் 8,2016 முதல் டிசம்பர் 30, 2016 வரையான அனைத்து வங்கி பரிவர்த்தனைகளின் சான்று.
வெளிநாட்டுக் குடியுரிமை பெற்றவர்கள், இந்திய வம்சாவளியினர், வெளிநாட்டினர் மற்றும் நேபாளம், பூடான், பாகிஸ்தான், வங்காளதேசம் ஆகிய நாடுகளில் வசிக்கும் இந்தியர்களுக்கு இந்த வாய்ப்பு கிடையாது.
வெளிநாட்டிலிருந்து இந்தியா வரும் போது விமான நிலைய சுங்கச்சாவடியிலும் பழைய ரூபாய் நோட்டுகளை மாற்றிக்கொள்ளலாம். அப்போது அதிகபட்சமாக 25 ஆயிரம் வரை மட்டுமே மாற்று ரூபாய் நோட்டுகள் வழங்கப்படும். உதாரணத்திற்கு, 50 ஆயிரம் ரூபாய்க்கான பழைய ரூபாய் நோட்டுகளைக் கொடுத்தாலும் 25 ஆயிரம் ரூபாய் மதிப்பிலான புதிய நோட்டுகள் மட்டுமே தரப்படும் என்று ரிசர்வ் வங்கி அதிகாரி ஒருவர் கூறியுள்ளார்.
ஜூன் 30, 2017 வரை வெளிநாடு வாழ் இந்தியர்கள் இந்த வசதியை பயன்படுத்திக்கொள்ளலாம்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.