முதல்வர் பன்னீர்செல்வத்தை, ஜல்லிக்கட்டு நாயகன் என்று அதிமுக எம்.எல்.ஏ தென்னரசு புகழ்ந்துள்ளார்.
அதிமுகவின் அதிகார தலைமையாக இருப்பது சசிகலா. எனவே, சட்டசபையில் பல அதிமுக எம்.எல்.ஏக்கள் சசிகலாவை புகழ்வது வாடிக்கை. முன்னாள் முதல்வர் ஜெயலலிதாவையும் அதன் பிறகு, சசிகலாவையும் அதிமுக எம்.எல்.ஏக்கள் புகழ்வது வாடிக்கையாகியுள்ளது.
இதனால்தான், சட்டசபையிலும், சின்னம்மா, குட்டியம்மா என்று சசிகலாவை புகழ்வதாக திமுக செயல் தலைவர் ஸ்டாலின் குற்றம்சாட்டினார். ஆனால் சிலர் மட்டுமே முதல்வர் ஓ.பன்னீர் செல்வத்தை பாராட்டி பேசுவது உண்டு.
நேற்றைய கேள்வி நேரத்தின் போது, அதிமுக எம்.எல்.ஏ தென்னரசு இப்படி ஒரு புகழ்ச்சியை பன்னீர்செல்வத்திற்கு சூட்டினார். ஜெயலலிதா, சசிகலா ஆகியோரைதான் இவரும் முதலில் புகழ்ந்தார். இதன்பிறகு, "ஜல்லிக்கட்டு நாயகன் முதல்வரை வணங்கி, பேச்சை துவக்குகிறேன்" என்று தெரிவித்தார். இதைக் கேட்ட பன்னீர்செல்வம், தென்னரசுவை சிரித்தபடி அவரை திரும்பி பார்த்தார்.
ஜல்லிக்கட்டு போராட்டத்தை முடிவுக்கு கொண்டுவரும் வகையில் முதல்வர் ஓ.பன்னீர்செல்வம் முயற்சி செய்து சட்டம் இயற்றினார். டெல்லிக்கு சென்று பிரதமர் மோடியை சந்தித்து அவசர சட்டத்திற்கு தேவையான ஏற்பாடுகளை செய்தார். இதையடுத்துதான், பன்னீர்செல்வத்தை ஜல்லிக்கட்டு நாயகன் என புகழ்ந்துள்ளார் தென்னரசு.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.