தமிழக முதல்வராக இருந்த ஜெயலலிதா மறைவுக்கு பின்னர், அவருடைய அண்ணன் மகள் ஜெ.தீபா அரசியலுக்கு வர வேண்டும் என அதிமுக தொண்டர்கள் பலர் விருப்பம் தெரிவித்தனர். அதனைத் தொடர்ந்து, ஜெயலலிதா பிறந்தநாளன்று, எம்ஜிஆர் - அம்மா - தீபா பேரவை என்ற புதிய அமைப்பை தீபா தொடங்கினார்.
பேரவையின் பெயர், கொடி, நிர்வாகிகளையும் அவர் அறிமுகம் செய்து வைத்தார். மேலும், இரட்டை இலையை மீட்டெடுப்பேன் என்றும் அவர் உறுதி தெரிவித்தார்.
தன்னுடைய வீட்டின் கீழ் தளத்தில் பேரவை அலுவலகத்தை திறந்துவைத்த அவர், பேரவையின் தலைவராக சரண்யா என்பவரையும், மாநிலச் செயலாளராக ராஜா என்பவரையும் நியமித்தார். பொருளாளர் பதவியை தன் வசமே தீபா வைத்துக் கொண்டார். இதனையடுத்து, பேரவையின் செயலாளர் ராஜாவுக்கு எதிர்ப்பு கிளம்பியதை தொடர்ந்து, பேரவையின் தற்காலிக செயலாளராக தானே செயல்படுவேன் என தீபா அறிவித்தார்.
அதேபோல், கொள்கைகள் மற்றும் புதிய நிர்வாகிகள் பட்டியல் 27-ம் தேதி (இன்று) வெளியிடப்படும் எனவும் தீபா தெரிவித்தார். அதன்படி, எம்ஜிஆர் - அம்மா - தீபா பேரவையின் கொள்கைகள் மற்றும் புதிய நிர்வாகிகள் பட்டியல் இன்று வெளியிடப்படவுள்ளது.
நான் அரசியலில் ஈடுபவதை பலர் தடுக்கின்றனர். தடைகளை தகர்த்து மக்கள் பணியாற்றுவேன். அதிமுக தொண்டர்களின் விருப்பம் எதுவாக இருந்தாலும் அதை ஏற்பேன். உண்மையான அதிமுக தொண்டர்கள் என்னிடம் பேசி வருகின்றனர். விரைவில் எனது அரசியல் அறிக்கைகளை எதிர்பார்க்கலாம் என்றும் தீபா தெரிவித்துள்ளார் என்பது குறிப்பிடத்தக்கது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.