தமிழகத்தில் மே 15 -க்குள் உள்ளாட்சி தேர்தல் நடத்தப்படும் என்றும் மாநில தேர்தல் ஆணையம் தெரிவித்துள்ளது.
தற்போது தமிழக அரசியலில் அசாதாரண சூழ்நிலை உருவாகியுள்ளது. சசி ஆதரவு முதல்வரான எடப்பாடி பழனிச்சாமி மற்றும் எம்.எல்.ஏ.க்களுக்கு தமிழகம் முழுவதும் கடும் எதிர்ப்பு கிளம்பியுள்ளது.
இந்நிலையில் ஜல்லிக்கட்டு புரட்சியில் ஈடுபட்ட மாணவர்கள், சமூக வலைத்தளங்களின் மூலம் இளைஞர் கட்சி என்ற அமைப்பு உருவாக்கி இருக்கிறார்கள்.
சமூக வலைத்தளங்களின் மூலம் அவர்கள் வெளியிட்டுள்ள அறிக்கையில், தமிழ்நாட்டில் உள்ள அனைத்து கட்சிகளும் நாம் என்ன செய்ய போகிறோம் என்று வேடிக்கை பார்க்கின்றன.
இதோ வரலாற்றில் முதன் முறையாக இளைஞர்கள் நாங்கள் எதிர்க்க முன்வருகின்றோம். ஆதரவு தர நீங்கள் வருவீர்களா? அடிப்படை அரசியல் அறிவு கூட இல்லை. நீங்கள் என்ன செய்ய போறீர்கள் என்று ஏளனம் செய்பவர்களே ஒன்று மட்டும் தெரிந்து கொள்ளுங்கள்.
நாங்கள் அரசியல்(பயமறியா) குழந்தைகள். நாங்கள் எல்லாவற்றையும் அனுபவத்தின் மூலம் பழகி கொள்ளுவோம். ஒருமுறை ஆட்சியை எங்கள் கைகளில் கொடுத்து பாருங்கள்.
234 தொகுதிகளிலும் யார் தயவும் இல்லாமல் நிற்போம். விளைவுகள் வருவதை சந்திக்க தயார். இதோ உன் சமூக இளைஞர்கள் விழித்து கொண்டார்கள். அவர்கள் சோர்ந்து போகும் முன் தட்டிக்கொடுங்கள் என் அன்பு தமிழ் சமூகமே, என்று இளைஞர்கட்சி, தமிழக மக்களுக்கு கோரிக்கை வைத்துள்ளனர்.
உள்ளாட்சி தேர்தலில் மாணவர்கள் களம் இறங்கினால், அரசியல் கட்சிகள் பெரும் பின்னடைவை சந்திக்கும் என்று கூறப்படுகிறது. தமிழக மக்களும் மாற்றத்தை எதிர்பார்த்தே காத்திருக்கிறார்கள்.
எது எப்படியோ! இந்த உள்ளாட்சி தேர்தலில் இளைஞர் கட்சி, தமிழக அரசியல் கட்சிகளுக்கு சிம்ம சொப்பனமாக விளங்கும் என்று கூறப்படுகிறது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.