மறைந்த தமிழக முன்னாள் முதல்வர் ஜெயலலிதா, அவரது தோழி சசிகலா, சுதாகரன், இளவரசி ஆகியோர் மீதான சொத்துக்குவிப்பு வழக்கை விசாரித்த பெங்களூரு சிறப்பு நீதிமன்ற நீதிபதி குன்ஹா, கடந்த 2014-ம் ஆண்டு செப்டம்பர் 27-ம் தேதி நால்வருக்கும் தலா 4 ஆண்டுகள் சிறை தண்டனையும், முதல் குற்றவாளியான ஜெயலலி தாவுக்கு ரூ.100 கோடியும், சசிகலா (2-ம் குற்றவாளி), சுதாகரன் (3-ம் குற்றவாளி), இளவரசி (4-ம் குற்றவாளி) ஆகியோருக்கு தலா ரூ.10 கோடியும் அபராதமாக விதித்து தீர்ப்பளித்தார்.
இது தொடர்பான மேல் முறையீட்டு வழக்கை விசாரித்த உச்ச நீதிமன்றமும் கடந்த 14-ம் தேதி சிறப்பு நீதிமன்றத்தின் தீர்ப்பை உறுதி செய்தது.
இதையடுத்து சசிகலா, இளவரசி உள்ளிட்ட மூவரும் பெங்களூருவில் உள்ள பரப்பன அக்ரஹாரா மத்திய சிறையில் அடைக்கப்பட்டனர். எனினும் சசிகலா தரப்பில் இதுவரை அபராத தொகை செலுத்தப்படவில்லை என கூறப்படுகிறது.
இது குறித்து பரப்பன அக்ரஹாரா மத்திய சிறையின் முதன்மை கண்காணிப்பாளர் கிருஷ்ண குமார் கூறும்போது, ‘‘குற்றவியல் வழக்கில் தண்டிக் கப்பட்டுள்ள சசிகலா, சுதாகரன், இளவரசி ஆகியோருக்கு சிறையில் கடுங்காவல் தண்டனை விதிக்கப்படவில்லை. மகளிர் சிறையில் அடைக்கப்பட்டுள்ள சசிகலா, இளவரசிக்கும், ஆண் கள் சிறையில் அடைக்கப்பட் டுள்ள சுதாகரனுக்கும் வெள்ளைச் சீருடைகள் வழங்கப்பட்டுள்ளன. உச்ச நீதிமன்ற உத்தரவின்படி மூவரும் 4 ஆண்டுகள் சிறை தண்டனையை அனுபவிப்பதுடன், தலா ரூ.10 கோடி அபராதத்தையும் செலுத்த வேண்டும்.
ஒருவேளை சசிகலா, இளவரசி உள்ளிட்டோர் இந்த அபராத தொகையை செலுத்தத் தவறினால் கூடுதலாக ஓர் ஆண்டு சிறைத் தண்டனை அனுபவிக்க நேரிடும். மேலும் அதற்கு அபராதமாக ரூ.10 ஆயிரம் செலுத்த வேண்டியிருக்கும்’’ என தெரிவித்துள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.