வருகிற 2018ஆம் ஆண்டு சட்டமன்றத் தேர்தலை கணக்கில் வைத்து, தலித் ஊழியர்களுக்கு எதிரான இந்த அதிரடி முடிவினை தற்போதைய ஆளும் காங்கிரஸ் கட்சி எடுத்துள்ளதாக கூறப்படுகிறது. இதுகுறித்த சட்ட அமைச்சர் டிபி.ஜெயச்சந்திரா கூறுகையில், இவ்விவகாரம் தொடர்பாக அரசு அதிகாரிகளுடன் பேச்சு வார்த்தை நடத்தப்பட்டு வருவதாகவும், சமூக முடிவு எடுக்கப்படும் என்றும் கூறியுள்ளார்.
இது தொடர்பான வழக்கில் கடந்த பிப்-9ஆம் தேதி, அபெக்ஸ் நீதிமன்றம், கடந்த 1978ஆம் ஆண்டு முதல் கர்நாடக அரசால் தலித் அரசு ஊழியர்களுக்கு வழங்கப்பட்ட பதவி உயர்வினை ரத்து செய்து, 3 மாதத்திற்குள் வழங்கப்பட்ட பதவி உயர்வு அனைத்தையும் திரும்பப்பெறுமாறு உத்தரவிட்டது. இது தொடர்பாக அரசு குறிப்பிட்ட காலத்திற்குள் மேல்முறையீடு செய்யலாம் எனவும் கூறியது.
தற்போது, இந்த உத்தரவு தான் அரசுக்கு சிக்கலை ஏற்படுத்தியுள்ளது. மூப்பு அடிப்படையில் ஒதுக்கீட்டு பிரிவில் நிறைய பேர் பதவி உயர்வினை அனுபவித்து வரும் நிலையில், ஏராளமான பொது மற்றும் பின்தங்கிய பிரிவினர் காத்திருப்பில் உள்ளனர். இதனால், அரசு அதிகாரிகளுடன் பேச்சுவார்த்தை நடத்தப்பட்டு, மூப்பு அடிப்படையில் பதவி உயர்வு பெற்ற ஊழியர்கள் ஒருபடி பதவி இறக்கம் செய்யப்படுவார்கள் என்ற அதிரடி அறிவிப்பினை அரசு வெளியிட்டுள்ளது.
இதன் காரணமாக, 7,000-10,000 அதிகாரிகள் மற்றும் ஊழியர்கள் கீழ் தரத்திற்கு இறக்கப்படுவார்கள், 65 துறைகளில் 18% பதவிகள் தலித் பிரிவினருக்காக ஒதுக்கீடு செய்யப்பட்டுள்ளதாக கர்நாடக அரசு ஊழியர்கள் சங்க தலைவர் பிபி மாஞ்சே கவுடா தெரிவித்துள்ளார்.
அபெக்ஸ் நீதிமன்றத்தின் இந்த உத்தரவால் ஆயிரக்கணக்கான ஊழியர்கள் பாதிப்படைவார்கள் என்பதால், தலித் மற்றும் பிற பிரிவினருக்காக அரசு ஊழியர்கள் சங்கம் எந்த போராட்டமும் செய்யாது என்று கூறியுள்ளார். ஏனெனில், இதனால் பெரும்பாலான அரசு ஊழியர்களின் நலம் பாதிக்கப்படும் என்று கூறியுள்ளார்.
இந்நிலையில், அரசின் அடுத்தக்கட்ட நகர்வு குறித்து உன்னிப்பாக கவனித்து வருவதாகவும், கூட்டாக தலித் அரசு ஊழியர்கள் சேர்ந்து போர்க்கொடி உயர்த்தவும் திட்டமிட்டு இருப்பதாக மூத்த தலித் ஊழியர் ஒருவர் கூறியுள்ளார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.