கிருஷ்ணா நதிநீர் திட்டத்தின் கீழ், தமிழகத்திற்குத் தண்ணீர் திறந்துவிட வலியுறுத்தி, ஆந்திர முதல்வர் சந்திரபாபு நாயுடுவை, தமிழக முதலமைச்சர் ஓ.பன்னீர் செல்வம் நேரில் சந்தித்துப் பேசினார். முதல்வருடன், எடப்பாடி பழனிசாமி, தலைமைச் செயலாளர் கிரிஜா வைத்தியநாதன் ஆகியோர் பேச்சுவார்த்தையில் பங்கேற்றுள்ளனர். இதனையடுத்து சென்னை திரும்பிய முதலமைச்சர் ஓ.பன்னீர் செல்வம், சென்னை விமான நிலையத்தில் செய்தியாளர்களைச் சந்தித்தபோது, "தமிழ்நாட்டில் பருவ மழை சரியாகப் பெய்யாததால், சென்னை குடிநீர் தேவையைக் கணக்கில்கொண்டு ஆந்திர முதலமைச்சருக்கு, தமிழக அரசு சார்பாக நான் கடிதம் எழுதினேன். அதன்படி கிருஷ்ணா நதிநீர்த் திட்டத்தின் மூலமாக நமக்குக் கிடைக்கவேண்டிய நீரைத் திறந்து விட்டுள்ளார்கள்.
கூடுதலாக நீர் தேவைபடுகின்ற நிலை இருப்பதனால், ஆந்திர முதல்வரை நேரில் சந்தித்து நமது கோரிக்கைகளை முன்வைத்தோம். அவர்களும் அதனைப் பரிசீலனை செய்து நமக்கு சாதகமான ஒரு முடிவைத் தெரிவித்து உள்ளார்கள்" என்றார். மேலும், ஜல்லிக்கட்டு குறித்த செய்தியாளர்களின் கேள்விக்கு, "நம்பிக்கையோடு இருந்தோம். ஆனால், இன்னும் அதற்கான சாதகமான பதில் வந்து சேரவில்லை" என்று பதில் அளித்தார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.