முன்னாள் இந்திய கேப்டன் சவுரவ் கங்குலி லண்டனில் துப்பாக்கி முனையில் சிக்கிய விஷயம் தற்போது தெரியவந்துள்ளது.
இந்திய கிரிக்கெட் அணியின் வெற்றிக் கேப்டன் என வர்ணிக்கப்பட்டவர், கங்குலி. சச்சின், லட்சுமண், டிராவிட் உள்ளிட்ட ஜாம்பவான்கள் இடம் பெற்ற அணியை வெற்றிகரமாக வழிநடத்தியவர் கங்குலி. இவர் கடந்த 1996ல் இங்கிலாந்து சென்ற போது, தனது வாழ்க்கையில் நடந்த மோசமான நிகழ்வை தெரிவித்துள்ளார்.
இவர் கடந்த 1996ல் லண்டன் சென்ற போது, ஒரு கும்பளிடம் துப்பாக்கி முனையில் சிக்கிய சம்பவத்தை தெரிவித்துள்ளார். இதுகுறித்து கங்குலி கூறியது: லண்டனின் பின்னர் பகுதியில் உள்ள அண்டர்கிரவுண்டில், நாங்கள் ரயிலில் பயணம் செய்து கொண்டிருந்த போது எங்கள் கேரேஜில் ஒரு குரூப் இருந்தது. அதில் இரண்டு ஆண்கள், மூன்று பெண்கள் இருந்தனர்.
அவர்கள் குடித்துக் கொண்டிருந்தனர். அதில் ஒருவன் எங்களை முறைத்துக்கொண்டே இருந்தான். நான் எந்தப்பிரச்சனை வேண்டாம் என உடன் இருந்த சித்துவிடன் சொன்னேன் பின் அவன் எங்களை நோக்கி வந்து என்னைப்பார்த்து என்ன சொன்னாய்? என்றான். சும்மா இல்லாத சித்து அவனை தடுக்க, பிரச்சனை துவங்கியது. உடனே நான் என்னுடைய கண்ணாடி கழட்டி தரையில் வீசிவிட்டு எது நடந்தாலும் சந்திக்க தயாரானேன்.
பின் ஒரு ஸ்டேஷன் வந்தது அப்போது நான் அவனை தள்ளிவிட்டேன். அவன் கீழே விழுந்தான். அவன் எழுந்தபோது, என் முகத்தில் துப்பாக்கி இருப்பதைத்தான் பார்த்தேன். அப்போது என் மனதில் என் வாழ்நாள் இங்கேயே முடிந்துவிடும் என நினைத்தேன். அப்போது ஒரு பெண் அவனை பின்பக்கம் இருந்து தாக்கி, எங்களை காப்பாற்றினார்.
இவ்வாறு அவர் கூறினார்.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.