குடியரசு தின விழாவில் விவிஐபிக்களாக தங்களை காட்டிக் கொள்ள சசிகலா உட்பட மன்னார்குடி கோஷ்டி மேற்கொண்ட முயற்சியை முறியடித்துவிட்டார் முதல்வர் ஓ. பன்னீர்செல்வம். இதனால் மன்னார்குடி வகையறா கடும் அதிர்ச்சியில் இருக்கிறது என்கின்றன போயஸ் கார்டன் வட்டாரங்கள்.
ஜெயலலிதா மறைவைத் தொடர்ந்து ஆட்சியையும் கட்சியையும் கைப்பற்ற மன்னார்குடி கோஷ்டி முயன்று தோற்றது. அதன் பின்னர் அதிமுக பொதுச்செயலராகினார் சசிகலா. இதனைத் தொடர்ந்து முதல்வர் பதவிக்கு குறி வைத்தது மன்னார்குடி குடும்பம்.
முதல்வர் பதவி
சசிகலா, நடராஜன், திவாகரன், தினகரன் ஆகிய 4 பேரும் முதல்வர் பதவிக்கு குறிவைத்து காத்து கொண்டிருக்கின்றனர். ஆனால் மத்திய அரசு இந்த முயற்சியை கடுமையாக தடுத்து நிறுத்தி வருகிறது.
நெருக்கடி
முதல்வர் ஓ. பன்னீர்செல்வம், மன்னார்குடி கோஷ்டியின் கட்டுப்பாட்டில் இல்லாமல் சுதந்திரமாக இயங்கி வருகிறார். இந்த நிலையில் குடியரசு தின விழாவில் விவிஐபி-களாக தாங்களும் இடம்பெற வேண்டும் என்று முதல்வர் ஓ. பன்னீர்செல்வத்துக்கு நெருக்கடி கொடுத்து பார்த்தது.
இதை நமது ஒன் இந்தியா தமிழ் இணையதளம் நேற்று பதிவு செய்திருந்தது. விவிஐபி பாஸ்களை கடைசி வரையில் மன்னார்குடி கோஷ்டிக்கு அரசு தரப்பில் கொடுக்கவே இல்லை.
மனைவியுடன் பங்கேற்பு
அத்துடன் மன்னார்குடி கோஷ்டிக்கு பதிலடி கொடுக்கும் வகையில் மனைவியுடன் குடியரசு தின நிகழ்ச்சியில் ஓ. பன்னீர்செல்வம் கலந்து கொண்டார். இது மன்னார்குடி வகையறாவை கடும் அதிர்ச்சிக்குள்ளாக்கியுள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.