இதனைத்தொடர்ந்து, சென்னை மெரீனா உள்ளிட்ட தமிழகம் முழுவதும் இளைஞர்களும் மாணவர்களும் மிகப்பெரிய அறப்போராட்டத்தில் ஈடுபட்டனர். மேலும், உலகம் முழுவதும் உள்ள தமிழர்கள் போராட்டம் நடத்தி ஜல்லிக்கட்டு அவசர சட்டத்திற்கு வழிவகை உருவாக்கப்பட்டது.
இந்த போராடங்கள் வீரியம் அடைய ஆரம்பித்தவுடன், மத்திய அரசு ஜல்லிக்கட்டு அவசர சட்டத்திற்கு ஒப்புதல் அளித்தது. பின்னர், தமிழக அரசும் பேரவைக்கூட்டத்தில் அவசர சட்டம் கொண்டுவர கவர்னரின் ஒப்புதலுக்கு அனுப்பியது.
ஆனால், கடந்த வாரம் இந்த அவசர சட்டம் வெளியாகுமா? கவர்னர் வித்யாசாகர் ராவ் கையெழுத்திடுவாரா? என தமிழக முதல்வர் பன்னீர்செல்வம் சற்று தடுமாற்றத்தில் இருந்தது யாருக்காவது தெரியுமா? அந்த சமயத்தில் தமிழக அரசே ஆடிப்போயிருந்தது.
ஏனென்றால், ஜல்லிக்கட்டு அவசர சட்டத்தில் கவர்னர் கையெழுத்திட தயங்கியதுதான் காரணமாம். அவசர சட்டம் உடனே கையெழுத்தாகிவிடும் என்று போராட்டக்காரர்களிடம் முதல்வரும், அதிகாரிகளும் கூறினார்கள். ஆனால் கவர்னர் கையெழுத்திட தயங்குவதால் இது என்ன புதுப் பிரச்னை என தலையைப் பிய்த்துக் கொண்டனராம்.
ஏன் கவர்னர் தயங்கினார்?
கவர்னர் வித்யாசாகர் ராவ் ஆலோசித்த ஒருவர், ஜல்லிக்கட்டு அவசரச் சட்டத்தில் தயவுசெய்து கையெழுத்திட வேண்டாம். சட்ட ரீதியான பிரச்னைகளை உங்களுக்கு ஏற்படுத்தும் என அந்த பிரமுகர் ஆலோசனை கூறியதாகக் கூறப்படுகிறது. இந்த ஆலோசனையை கூறியது இன்னொரு மாநில கவர்னர் என்பதுதான் குறிப்பிடத்தக்க விஷயம்.
இந்த ஆலோசனை கூறிய கவர்னருக்கும் தமிழகத்துக்கும் தொடர்புள்ளதுதான் மிக அதிர்ச்சியான செய்தி. இதனையடுத்து, இந்த தகவல் தமிழக அரசின் சார்பில் டெல்லிக்கு தகவல் பறந்தது.
உடனே அங்கிருந்து கவர்னருக்கு தொலைபேசி அழைப்பு வந்ததாம். அதில், ஜல்லிக்கட்டை நடத்த தமிழக அரசுக்கு முழு ஒத்துழைப்பையும் தர, மத்திய அரசு அனைத்து உதவிகளையும் செய்யும் என பிரதமரே உறுதியளித்த பின், நீங்கள் கையெழுத்து போட தயங்குவது சரியல்ல என்று கூறப்பட்டதாம். அதற்கு பிறகுதான் அவசர சட்டத்தில் கையெழுத்திட்டாராம் கவர்னர் என தகவல் வெளியாகியுள்ளது.
No comments:
Post a Comment
வாசகர்களுக்கு ஓர் அன்பான வேண்டுகோள் :
1. செய்திகள் குறித்த கருத்துக்களைப் பதிவு செய்யும்போது, எவருடைய மனதையும் புண்படுத்தாத வகையில், நாகரிகமான முறையில் உங்கள் கருத்துகள் இருக்க வேண்டும் என்று எதிர்பார்க்கிறோம்.
2. ஏற்கனவே பதிவு செய்யப்பட்ட கருத்துகளையும் விமர்சிக்கலாம். ஆனால் தனிப்பட்ட முறையில் எவரையும் விமர்சிக்காமல், கருத்துக்கள் மற்றும் செய்திகளை மட்டுமே விமர்சிக்க வேண்டுகிறோம்.
3. அவதூறான வார்த்தைகளுக்கோ, ஆபாசமான வர்ணனைகளுக்கோ இங்கு இடம் இல்லை. அத்தகைய கருத்துகள் தணிக்கை செய்யப்பட்டே வெளியிடப்படும்; அல்லது முற்றிலுமாக நிராகரிக்கப்படும். இந்த பகுதியில் வெளியாகும் வாசகர்கள் கருத்துக்கள் அவர்களுடைய கருத்துக்களே.